Di Bintulu.
Parkcity Residence di rumah sua Ethan.

Tembu mandi Ethan lalu ngusuk buk ngena kain tula bechura urin.Udah ngusap diri iya pan terus begari,malam nya iya deka nurun meda Asun enggau Chumang ngaga pengerami melah pinang.Ethan ngerasukka baju kemeja biru tuai,udah nya dirasukka iya ga baju slim suit jacket bechurak kelabu.Tanchut panjai cotton bechura kelabu.

Pengudah begari, Ethan lalu betinjau ba cheremin.
Buk disugu ngena jari iya empu.Baju iya dipanchit ngena minyak angi jenama Hugo Boss.Berasai gap endar iya malam tu,Ethan tuchum merening gamal diri ba cheremin.Sebedau pansut ari bilik peninduk jam jenama Casio dirasukka ba kuan jari.Udah tembu beradu iya lalu mupuk ke Hotel GoldenBay.

Urung pukul 7 malam Ethan pan datai di Hotel GoldenBay.

Ethan duduk semija enggau orang ti enda dikelala iya.10 iku penyampau sida ba siti mija nya.2 iku indu 8 iku lelaki.Indu siku duduk berimbai enggau Ethan.Indu ti siku da ngimbai orang bukai ke enggau semija dia mih.Enda berimbai ga indu dua iku nya tadi engka nya ukai diri sekaban.

Pengerami nya berengkah maya Asun enggau Chumang tama ka dalam hall.Lagu ari Westlife ' Beautiful In white'..diputarka dikena ngambat Asun enggau Chumang tama.

??Not sure if you know this
But when we first met
I got so nervous I couldn't speak
In that very moment
I found the one and
My life had found its missing piece??

Meda Asun enggau Chumang ba pentas udah betukar tinchin orang mayuh ba hall nya pan seretai betempikka jari.Sambil ti berami,pemakai mega lalu disadung ngagai tiap iti mija.

"Haiii…nama aku Helen,"kenu ku indu ti duduk
ngimbai Ethan nyapa deka mai iya bekelala.

"Ethan," ku Ethan nyaut seleka.Iya mega enda
merening indu nya maya bejaku.

"Nuan kaban pengantin lelaki tauka pengantin
indu?" ku Helen betanya.

"Dua-dua."
"Urmm..Nuan diau dini ba Bintulu?"

Sekali tu baru Ethan merening mua indu nya.
Mayuh endar utai ditanya! Ku Ethan muchau di dalam ati.

"Aku ukai orang Bintulu,semina diau ditu ketegal
pengawa aja."

"Aku orang Bintulu.Gawa ba Posim Petroleum
company,"ku Helen agi ka ngemanjaika randau
enggau Ethan.

"Au.."Saut Ethan seleka.

"Nuan dih? Gawa dini?"

"Graphic Press sdn.bhd"

"So,nuan sigi major dalam graphic design?"

"Au."

"Emm...lama uud…."Empai abis leka jaku Helen
dipansutka iya tang Ethan nyau udah ngangkatka
diri ari bangku.

Ethan angkat ninggalka hall lalu bejalai ngelawa jamban.Maya pejalai nuju ke jamban nyu bemuaka Lahung baru ga Ethan.Dia mih endur seduai iya Lahung bepansa suba.Setaun udah pengelama tang agi semampai dikenang belama.Di dalam ati Ethan udah mutus ati ka nganti Lahung ngiga iya baru.Berandau enggau Lahung taja enda lama aja suba bisi ngasuh ati iya bebungai.Engka bungai pengerindu mih nya kini.

Maya Ethan ka tama ke dalam hall baru ..

"Ethan!!"

Ninga nama diri dikangau Ethan terus malik ngagai tunga penatai nyawa nya.Siku indu benung bejalai mansang ngagai iya..

"Agi ingat ke aku nuan? Aku Jessica kaban
Chumang."

Kening Ethan ngeredut maya nguji ka ngingatka sapa indu nya.Lama iya ngenung mua indu nya.Udah nya iya lalu ngilikka pala ke tanda madah diri enda ngelala.

"Lalek amai ga nuan enda ingatka aku.Dini endur
Chumang dia mih aku tu suba."

"Ouhh..nuan pia.."Diatu ingat mih Ethan indu nya
selalu begulai enggau Chumang.Tang mih iya
enda nemu nama indu nya Jessica.

"Dini nuan diatu Ethan?"

"Gawa ba Bintulu ditu mih."

"Ba company nama? Lama udah ka?"

"Grapic press,baru setaun."

"Nuan diau di…"Enda abis leka jaku Jessica.

"Aku ka tama dulu,"kenu ku Ethan.

Randau enggau Jessica putus naka nya aja.
Jessica ti ditinggal lalu tuchum singit.Sumbung endar Ethan diatu! ku iya muchau.

Tama ke dalam hall,maya ka ngelawa mija ari jauh Ethan meda indu ti benama Helen tadi sigi benung merening iya.

Meda baka nya Ethan lalu ngelimpangka pejalai iya nyau ngelawa mija endur pengantin duduk.
Datai dia Chumang ti meda Ethan lalu mantaika mua tegepang tekenyit ati.

"Selamat pengantin baru ngagai seduai,nadai
hadiah ari aku,"kenu ku Ethan nundi Asun.

"Eehh,mesti meri aku hadiah nuan."

"Ya...nama hadiah ka nuan?"

"Alai nuan belagu ke aku."

"Apuu..enda aku nemu belagu."

Asun enda peduli,iya lalu niki ke pentas madah ngagai orang mayuh deka ngasuh Ethan belagu.
Enggai enda pan nyau ga Ethan niki ke pentas.

"Kaban aku tu ka mai lagu duet,sapa ka beduet
enggau iya? Tang mesti orang indu ke agi single,"
kenu ku Asun.

"Ishh nama gaga nyau beduet? Nadai aku madah
ka beduet tadi,"ku Ethan nelai Asun.Tang Asun
enda pedulika jaku Ethan.

"Bah...sapa ka beduet enggau Ethan? Anang malu
kita datai niki kitu.."kenu ku Asun.

Ari jauh bisi siku indu bejalai belubah ngelawa pentas.Indu ti benung ka niki ke pentas iyanya Helen ti duduk ngimbai Ethan tadi.Orang mayuh di dalam hall dia lalu betempikka jari maya Helen udah bediri ngimbai Ethan.

Lagu duet seduai ya nya lagu "Destiny"

????????????????????????????

What if I never knew
What if I never found you
I'd never have this feeling in my heart

How did this come to be
I don't know how you found me
But from the moment I saw you
Deep inside my heart I knew
Baby your my destiny

You and I were meant to be
With all my heart and soul
I give my love to have and hold
And as far as I can see
You were always meant to be my destiny

I wanted some one like you
Someone that I could hold on to
And give my love until the end of time

But forever was just a word, just a word
Something I'd only heard about
But now your always there for me
When you say forever I'll believe
Baby your my destiny

You and I were meant to be
With all my heart and soul
I give my love to have and hold
And as far as I can see
You were always meant to be my destiny

Maybe all we need is just a little faith
Cause baby I believe that love will find a way
Baby your my destiny

You and I were meant to be
With all my heart and soul
I give my love to have and hold
And as far as I can see
From now until eternity
You were always meant to be
My destiny
Your my destiny..??

"Amai Ethan nya?" ku Chumang nanya Asun.

"Au arr..Ethan mih nya,lalu empai bulih tawing
Ethan nya,"kenu ku Asun.

"Hah! Enda patut."

"Amai nadai tawing iya,nya mih kebuah aku
ngasuh iya belagu beduet dia.Gamal sigat ngapa
tang enda tegigaka tawing."

Chumang enda bemunyi ninga saut Asun munyi nya.Dalam ati iya empu pan muji Ethan sigat.Nyu ka enda pechayaka mata diri empu iya tadi.

??

Pulai ke rumah malam nya pengudah tembu mandi Ethan lalu ngalika diri.Maya gali iya lalu nilik jam ba kuan jari ti udah nunjukka pukul 10 malam.

Sebedau tinduk sempat Ethan ngayam talipun. Talipun Ethan agi talipun bansa ke ngena keypad jenama Sony Ericsson walkman.Talipun ti dikena iya ari keterubah belajar suba, lalu empai ditukar.

Tiap kali maya meda talipun di dalam runding Ethan endang sigi semampai ngenang Lahung.
Ethan tetap agi ka nganti Lahung ngiga iya.Enda mudah iya ka putus pengarap ngapa.

Dua taun pengudah nya..??

Ba opis Ethan benung kiruh ngaga pengawa.Jam pan nyau udah deka ngalih ari.Enda lama da agi nyu ka pansut ngetu makai.

Maya jam udah mangkung pukul 12:00, Ethan pan mansutka diri ari opis.Ba luar opis iya tepedaka indu ti benama Helen ke kala enggau iya betemu ba pengerami Asun seduai Chumang suba.

Lebuh meda Ethan pansut ari opis Helen pan terus ngelawa iya taja pan gaya Ethan endang dah terang berupai baka ka ngelarika diri tang Helen enda peduli.Pengasai malu ba ati dibuai jauh-jauh.

"Haii...Ethan,"kenu ku Helen nyapa.

"Hai.."ku Ethan ga.

"Aku ka mai nuan lunch," ku Helen.

"Hermm...aku udah bedanji ka lunch enggau bala
kaban aku,"ku saut Ethan.

"Tang aku bisi utai ka dikerandauka enggau
nuan,"kenu ku Helen.

"Au nama utai nya dih? Berandau ditu aja mih,"ku
Ethan.

Helen lalu mantaika name card iya ari beg sandik.Name card terus disua iya ngagai Ethan.

"Company endur aku gawa ka ngambi staff baru
megai pengawa nyadi project manager ba
marketing department,"kenu ku Helen.

Name card Helen disambut Ethan.Dibacha iya nama ba kad nya Helen Lim.Nama Cina Helen tu? Meda nya tak nadai baka gamal Cina ga ku Ethan bejaku dalam ati.

"Enti nuan deka nguji nasit megai pengawa tu
anjung aja resume nuan ila,pasal gaji nya anang
irau sigi gerenti ngemuaska ati," ku Helen bejaku
sambil senyum ngagai Ethan.

"Urmm...ok ila meda gaya.Ka makai dulu aku
tu,"kenu ku Ethan.Randau seduai iya Helen lalu
putus naka nya aja.

Pulai ari gawa lemai nya,tegenung Ethan ngingatka utai ti dipadahka Helen tengah ari tadi.
Udah nya iya pan muka laptop lalu ka ngaduka resume.Resume lama diseruri iya baru.Semina ka nambah utai ke patut.

Bisi 5 minit pengelama Ethan udah naip utai ba laptop.Talipun iya pan bemunyi.Talipun dijengkau iya.Nama Asun dipeda ayan ba skrin.

Asun ??Tan,dini endur rumah nuan ba Bintulu?
Ethan??Ba Parkcity residence,nama nuan ka datai

kitu?
Asun ??Au arr..bah enti aku udah datai ba Bintulu

legi aku call nuan baru.
Ethan?? Au.

Randau ba talipun diputuska Asun.Ethan pan nyambung pengawa ngaduka resume iya.Kira urung pukul 11 malam Asun pan datai ba rumah Ethan.

"Tama aa,nama nuan laun amai bejalai?" ku Ethan.

"Eh, nibuh.Enda aku tama,aram pansut diatu
tua,"kenu ku Asun.

"Isshh...ka kini bai nuan bejalai tengah malam
baka tu?"

"Aram mih enggau aku aja."

Pansut ga Ethan nitihka peminta Asun.Seduai pansut bejalai ngena kerita Asun.Datai ba siti endur Asun lalu nyangkaika kerita iya.Ethan gegining meda utai ba luar.Ndai kedai buka ba endur nya udah tutup magang kedai.Siti aja endur ti agi buka,ya nya pub.

"Kini bai nuan?"ku Ethan nanya Asun.Alit ati iya
dia.

"Aram mih pansut aja,"ku Asun ga.

Ethan mansutka diri ari kereta.Peda iya Asun bejalai tetanjun baka ti deka ngelawa pub.

"Ka kini nuan Asun?"Ethan dedegi tisi kerita enggai
nitihka Asun.

"Apuu...aram tama!"Jari Ethan ditarit Asun tama
ke dalam pub.

Tama ke dalam pub nyu besebun aja asap insap orang dia.Nyu tebatuk-batuk Ethan ensium bau asap insap.Iya dibai Asun duduk ba siti endur.

Pengudah seduai nudukka diri dia nyu datai ga orang indu begelumu kia.Indu siku tak nudukka diri ba pah Asun.Nyau bebengap Ethan meda utai ti nyadi ba depan mata iya.Dipurus Asun mih pah indu nya,ni ke disium iya mih.Nyau bekusuk mata Ethan meda ulah Asun.

"Asun,uiiihhh ninga nuan," Ethan nyukir Asun ngena
tunjuk jari.

"Nama nya? Nuan ka ngirup aku ngudarka tua dulu
ga,"ku Asun.Lalu nyau Asun angkat.

Ethan ditinggalka iya begulai enggau bala indu tadi.Nya mih indu ti duduk ba sepiak Ethan dia majak ngansak sesemak...