Di rumah Helen.
Jam udah mangkung pukul 11:00 malam tang Helen lalu empai ngelelapka mata.Jari iya benung megai bup bejudul "Heaven Is So Real". Runding Helen terpulai ngagai pengingat lebuh maya iya agi sekula pom 4 suba.

Pengudah ninga berita apai Ethan ti lesi bebadi ba jalai alun, Helen lalu meli bup “Heaven Is So Real” ka diberi iya ngagai Ethan. Bup nya dibeli iya duai iti, siti dibelika ungkup iya empu.Siti da sigi diungkupka ngagai Ethan.Tang Helen enda berani ka betemu mua enggau Ethan. Iya pan lalu ngasuh orang bukai nulung nyuaka bup nya ngagai Ethan.
Sebedau bup nya disuaka ngagai Ethan, Helen sempat nulis nama iya ba rambar bup ke-100. "Haii, Ethan bup tu pemeri ari aku HELEN LIM /2005."

Helen mega bisi nyelitka sekepin keretas ti betulis…

NUJU NUAN ETHAN,
ARAPKA NUAN KERING ATI NAPI PENGUJI TI BARU UDAH DATAI NUNTUNG BA PENGIDUP NUAN, ARAPKA NUAN SABAR SERTA ANANG PUTUS PENGARAP DI DALAM PENGIDUP.BACHA MIH BUP TU MAYA NUAN LEPA.

Helen enda nulis nama iya ba dalam keretas nya.Helen semina nulis nama iya di dalam bup ba rambar ke-100 aja.Kebuah pia laban iya irauka diri lalu ditemu Ethan enti nyema nama iya ditulis ba keretas nota nya.Kebuah siti da agi laban iya sigi sengaja deka nguji ati Ethan.Enti Ethan tetemuka nama iya ba rambar ke-100 nya ke tanda Ethan endang rinduka bup pemeri ari iya. Enggau chara nya baru Helen ulih puas ati ditemu Ethan nama.
Helen senyum kediri ngenangka pengingat lama nya.Taja pia jauh ba sukut ati iya bisi berasai asa laban iya nemu Ethan sigi empai macha bup ti diberi iya suba. Ethan mega enda kala ngelala iya lalu.

Lebuh agi besekula suba Helen suah nimpai Ethan belalai tiap kali maya sida ngetu rehat.Seduai iya Ethan mega berimbai kelas.Helen udah kala deka bekelala enggau Ethan maya sida camping ba Lambir, tang ati semampai kakang, nangi serta rawan.Iya semina berani meratika Ethan ari jauh belama.Tang Ethan enda nemu diri bisi diperatika orang...datai nyentukka sehari tu mih Ethan enda nemu diri.

Lebuh betemu enggau Ethan maya ba pengerami Asun enggau Chumang suba chukup meri pengaga ngagai ati Helen.Asaika enda pechaya iya bulih peluang duduk berimbai enggau Ethan maya nya. Dia dih Helen lalu ngemeranika diri deka ngerandau Ethan lalu ngemai bekelala.Tang…Ethan baka ti enggai kiruhka iya…disaut Ethan seleka dua aja tiap jaku tanya Helen.

Taja pia Helen enda putus pengarap.Iya nguji ngerandau Ethan baru tang mih Ethan bangat kelalu enggai kiruhka iya. Empai tembu Helen bejaku udah nyau Ethan angkat ngebuka diri.

Chukup asa mih  asai ati Helen, tang iya tetap enda putus pengarap pia aja.Maya Asun ngiga orang enggau Ethan  beduet belagu dia dih iya lalu ngambi peluang nya beduet enggau Ethan.Lagu "Destiny" ti disadaka seduai iya malam nya lalu nyadi lagu ti dikerinduka Helen.Nambah ga leka lagu nya manding endar ba penuduk iya enggau Ethan maya tu.

Maya company Helen deka ngelantik staff baru megai pengawa Project Manager Helen pan lalu beguai madahka Ethan...

Bendar iya ngemeranika ati ngenataika diri ke Company endur Ethan gawa.Enggau ati keketap kesal Helen nganti di luar opis Ethan maya lunch hour .Lebuh tepedaka Ethan pansut ari opis, ati Helen lalu bebungai gaga.Juluk ati iya lalu deka ngemai Ethan lunch enggau iya.Seraya ke makai terus berandauka pasal pengawa puang ba company sida iya ku dalam runding Helen.

Tang mih Ethan enggai dibai Helen lunch.Taja ati Helen asa iya tetap agi mantaika tuchum ngagai Ethan.Sigi udah ngadang ga iya Ethan deka nulak peminta iya ngemai makai.

Diatu Ethan nyau udah gawa enggau iya dia, kira nya mih peluang ka nambat ati Ethan.Bujik ba sekula suba iya nadai pemerani lalu deka damping Ethan.Maya Ethan dah di depan mata baka tu sayau endar enti peluang nya dibasau ngapa ku dalam runding Helen.Tang mih sayau seribu kali sayau ati Helen ke suah asa lalu lanjur asa baru pengudah iya nemu ati Ethan udah diempu orang bukai.

Helen nyintak seput dedalam ngenangka jalai pengidup ti diatur Petara ke iya.Helen mejamka mata, nguji deka lelap.Tang mua Ethan majak ga ayan di mata maya tu, senyum ba mulut Ethan chukup ngelantangka ati, sada nyawa iya mega ngasuh lelengau berari.

?
Di rumah Ethan.
Datai Ethan di rumah meda bilik petang tegayam. Api lampu bilik besai udah dipadam, di dalam rumah berasai sunyi.Ethan nyangka Sulan enggau indai iya endang sigi lama udah tinduk.Nyau Ethan tama ke bilik iya empu.Tembu mandi apa semua iya lalu nindukka diri.

Lebuh ninga pintu sliding jemari gari ditulak, Ethan pan lalu tedani.Hari baru ka kerebak tawas, bedau tentu terang iga ba dalam bilik peninduk.Nambah ga kain langsir bilik nya bansa kain ke tebal.

"Tumu amat nuan dani indai,"kenu ku Ethan nyapa.

"Aku tu.Ukai indai,"ku munyi sura nyawa Sulan
didinga Ethan nyaut.

"Nama gaga nuan tama kitu?" ku Ethan.

"Nusun gari nuan ke dalam jemari tu,"ku Sulan nyaut.

"Eihh…lakka dia aja.Legi aku empu nusun ya,"ku Ethan.Enda tentu ka iya meda Sulan tama kia.
Tang Sulan majakka pengawa iya ngaduka gari Ethan sampai tembu ditepu ba dalam jemari.

"Ukai nya lama nusun tu…Udah abis dilipat aku magang gari nuan Tan,”kenu ku Sulan seraya jari iya       lalu nutup pintu jemari.

Meda gari Ethan nyu dua bakul manah empai dilipat nya mih kebuah Sulan nyu nulung ngelipat.Pengawa nya dikereja enggau ati rindu.Nadai orang ngasuh, endang iya empu ti ka.

Ethan enda nyaut Sulan.Malik Sulan ngagai katil peninduk peda iya Ethan udah bebungkur apus ngena pua.Nyau Sulan mansang ngelawa Ethan, lalu ditarit iya pua ari tubuh Ethan.Meda baka nya ambi Ethan ga bantal lalu dipampul iya ke pala.

"Tann!! Mupuk kami duai indai pagi tu, aku gawa pukul 8:00 legi,"ku Sulan, tang Ethan agi enda kiruhka iya.Nyaut seleka pan enda.

Bai ati ke nyau pedis enda dikeibuh Sulan pan pansut keluar.Pintu bilik peninduk Ethan diempaska iya udu.

?
Nyau pukul 7:00 pagi baru Ethan angkat dani.Maya ka nurun mandi talipun iya didinga bemunyi.Beguai Ethan napatka talipun iya.Meda nama Lahung ayan ba skrin lalu panjai garis tuchum ba mulut Ethan.Talipun terus disaut…

Lahung?? Ethan, pagi tu aku pulai ke KL.Nganjung aku ke airport diatu.

Ethan   ?? Nama enda nyadi lusa dih?

Lahung?? Enda mih.Ngambi aku ba util ditu jampat nuan.
Ethan lalu nilik jam ba kuan jari. Kada mih sempat iya tama gawa pukul 8:00pagi tu  enti nyema nyau nganjung Lahung ke airport.Taja iya bos tang iya enggai dipeda staff bukai datai laun.

Ethan   ?? Ukai nuan madah datai ngena kerita ka kemari?

Lahung??Kerita sua aku aja nya.Ishh…nama nuan mayuh amai alasan nih? Ka tauka enggai nuan nganjung aku?

Ethan   ?? Au mih.Aku ngambi nuan diatu ga.

Randau Ethan enggau Lahung ngetu naka nya aja.Ethan lalu beguai mandi.Tembu mandi terus berumban mih iya beradu lalu bekenaka gari gawa.

Maya nyu udah di dalam kerita Helen ga betalipun ngagai iya…
Helen ?? Ethan ulih nuan ngambi aku? Kerita daddy aku udah di kena iya ngagai klinik pagi tu tadi.

Ethan ?? Helen, aku bisi pengawa pagi tu.Engka laun aku datai ke opis, enggai nyadi aku ngambi nuan.Ngena teksi dulu ga nuan.Legi aku mayar tambang.

Helen ?? Au mih...bejimat nuan ngereja pengawa.

Ethan ??Ok…legi tua betemu ba opis.

Randau ba talipun diputuska Ethan.Tapak jari kiba iya lalu ngeraup mua, jari kanan megai steering kerita.Panjai sintak seput ditarit iya pengudah tembu berandau enggau Helen.Jauh ba sukut ati Ethan bisi berasai besalah ngagai Helen.

Datai ba Hotel Seaview.

Ethan meda Lahung endang sigi udah nganti ba depan util.Beguai Ethan pansut ngelawa Lahung.

"Aram diatu mupuk nganjung nuan ke airport,"Kenu ku Ethan.

"Nama enda breakfast dulu tua?"Kenu ku Lahung.

"Ba airport din legi tua breakfast,"ku Ethan.

"Eihh… di pasar ditu mih breakfast.Enda nyamai utai dempa ba airport din,"ku Lahung mantah penemu Ethan.

"Ya pukul berapa flight nuan kebendar? Enti breakfast dipasar ditu dulu enda ka nyau laun nuan legi? Nyamai agi breakfast di airport sekali,"ku Ethan.

"Ishhh…agi tumu diatu.Pukul 10:00 legi flight aku,"ku Lahung nyaut.

Terus bedemuh Ethan ninga Lahung madahka flight iya pukul 10:00pagi.Ditilik iya jam ba kuan jari baru pukul 7:30 pagi.Agi panjai endar jam.Nya kebuah Lahung keran ka breakfast di pasar.

"Aram mih.Breakfast dini ka nuan? Ni barang nuan dih? Simpan ke dalam kerita dulu,"ku Ethan.

"Nyin din, ambik ke aku alai."Lahung lalu nunjukka endur iya engkah luggage.

"Nuan kitu kemari endang sigi dah ngemai semua barang nuan pia?" ku Ethan betanya.Mayuh endar barang Lahung dipeda iay dia.

"Au…arr eihh jampat gi simpan barang aku nya.Anang nyebut utai kemari agi, ngiga kedai endur breakfast tua.Majak lapar perut aku tu,"kenu Ku Lahung.Lalu nyau Lahung beguai tama ke dalam kerita.

Tembu besimpanka barang Lahung ke dalam kerita nya baru Ethan tama kerita. Lalu ka mupuk ngiga Kedai endur breakfast mih seduai iya.

"Tu kerita secretary nuan?"ku Lahung betanya sambil tuchum singit.

"Au,"saut Ethan seleka.

"Ishhh…jampat gi nuan meli kerita baru neiii, ya sampai kemaya nuan ka ngena kerita indu nya?"ku Lahung bejaku seraya lalu enchebirka mulut iya.

"Bulan siti ila mih meli baru,"ku Ethan nyaut lalu bedemuh.Ukai nya baka meli kerita kena bedango ku dalam ati iya nyaut muchau.

Datai ba endur seduai iya ka breakfast, kerita lalu disangkaika Ethan di depan kedai amat-amat.Dah madamka injin kerita, Ethan lalu nimpai pemayuh orang ba kedai nya sebedau ti ka pansut ari kerita.

Dia dih Ethan nyu tepedaka Helen benung duduk di mija makai ba depan kedai endur iya nyangkaika kerita diatu.Helen sigi benung merening Ethan laban iya endang ngelala kerta diri empu.
Lahung nyau ga udah pansut ari kerita lalu nudukka diri di sepiak mija endur Helen.

Ethan ke agi di dalam kerita nyau antara dua ati iya  ka pansut tauka enda.