Pejam enchelak enda berasai nyau udah datai ke ujung taun.Ethan kemisi sekula sebulan.3 minggu dikena iya gawa part time.Laluh peremisi seminggu da dikena iya pulai ke menua.

Di dalam ati lama udah sesengit enda sabar ka betemu enggau Sulan.Ketegal ti suah berSMS enda berasai Ethan nyau labuh pengerindu ngagai Sulan.

Tumu pagi hari siti pengudah 3 minggu gawa part time Ethan lalu mupuk mulaika diri ke menua ngena bas.

Kira sepengelama 5 jam iya ke udah mupuk talipun ba kuchik tanchut Ethan bemunyi nandaka bisi orang betalipun.Talipun dibantaika iya ari kuchik,tuchum lalu ayan dimulut meda nama Sulan ayan ba skrin.Tanda gadung lalu dienyak.

Sulan?? Dini endur nuan diatu?

Ethan?? Nyau ka datai di Sibu da aku.

Sulan?? Agi lama amai ga nya,lubah endar bas

kena nuan nya Tan.

Ethan?? Enda ngawa lubah,amat mih aku datai di

menua ulih betemu enggau nuan.

Sulan lalu senyum lelinsum ninga jaku Ethan munyi nya.Nyu majak bebungai gaga mih asai ati iya dia.

Sulan?? Au Tan,asuh jampat agi deriba bas nya.

Ethan??Au,legi aku madah."Sulu aku nganti di

menua din,iya mesan ngasuh

nuan deriba laju agi".Baka nya ku aku

madahka dreba bas legi.

Sulan??Ha ha ha..(ketawa gaga ati).Padah munyi

nya mih legi.Bah,Tan tu aja mih.Legi dah

datai di rumah nuan madah.

Ethan??Au,I miss you.

Sulan??I miss you too.

Randau seduai iya ba talipun diketuka.Talipun ditepu Ethan ke dalam kuchik tanchut baru.Ethan nyandih ba bangku lalu ngelelapka mata,ngichaka jam enda berasai.Ngambika jampat agi datai di menua ku telai anak ati.

Urung pukul 2 lemai pia baru Ethan datai di menua.Niki ke rumah lalu meda Sulan dedugau berandau enggau indai iya .Sulan ti meda Ethan datai nyu laju ngenyit asai ati keketap.Pia kesal pia gaga ga ati iya dia.

Ethan terus tuchum udah nya tama ke bilik nganjung kantung gari.Pansut ari bilik Ethan lalu duduk nunga indai iya enggau Sulan .

"Bisi makai utai nuan di dalam bas tadi Jang? Enti
nadai ngambi aku ngenahka nuan makai dulu,"
kenu ku indai Ethan.

"Legi mih makai ,ka belelak dulu aku tu," ku Ethan
nyaut.

"Tu penyaram gaga aku tadi,tu ga empa nuan
dulu," Kenu ku Sulan sambil jari lalu nyengkau kuih
penyaram ka disua iya ke Ethan.

Ethan nyambut kuih penyaram ti disuaka Sulan enggau tuchum manis.Amat pan seduai diatu benung betunga dia tang pengelengau ke pangan diri majak melumpa-lumpa.Mata enggai badu meratika pangan diri.Seduai dia nyu enda nemu diri diperatika Indai Ethan.

"Jang aku ke dapur dulu,ngangatka lauk empa
nuan legi." Indai Ethan lalu angkat .Maya
melakangka Ethan enggau Sulan iya sempat
tuchum belalai.

"Lama nuan udah ditu tadi?"ku Ethan nanya Sulan.

"Bisi ga sejam aku udah ngnti nuan ditu," ku Sulan
nyaut.

Ethan tuchum manis baru.Naka pengaga mih ati,
datai ke rumah meda sulu bisi nganti penatai iya.

"Malam legi makai ba kami dia," kenu ku Sulan.

"Makai nama nya?"

"Makai malam taun baru legi arr."

"Ohh...au,legi kenduai indai kia."

Pia berandau pia betundi ga seduai iya.Mantupka pengelengau ati ke pangan diri.Indai Ethan nimpai belalai ari dapur mulut iya pan majak tuchum.

"Nyahh..tembuka nuan penyaram tu,tumu aku dani
ngaga tu tadi,"kenu ku Sulan.Jingkau iya kuih
penyaram lalu ka disapi iya ke mulut Ethan.

"Eeiihh,peda indai legi,"Ethan lalu nyambut kuih
penyaram ari jari Sulan.

"Eeeee, di dapur din indai.Nadai iya meda
dih," ku Sulan bejaku lalu ngemuncungka mulut.
Asa asai ati ka rumintik enggau Ethan.

"Neii,anang ngaga gamal baka nya nuan.Legi aku
nembuka penyaram tu ngambika enda lebu sulu
aku dani tumu pagi ngaga tu tadi,"kenu ku Ethan
bejaku ngumbuk Sulan.

Sulan lalu senyum baru ninga jaku umbuk Ethan.

"Sulan ni nuan? Bisi dia?" ku sura nyawa Indai
Paran ngangau ari tengah laman.

"Au ditu meh aku indai."

"Pulai dulu nuan,mupuk manduk utai tua ke dempa
malam legi.Ni Indai Ethan lalu bai kitu iya,"ku
Indai Paran bejaku ari tengah laman.

Pengudah ninga utai ti dipadahka indai iya,Sulan lalu angkat nuju ke dapur.

"Ibo aram ngagai kami kia dulu,ngintu utai ke
dempa kitai malam legi," kenu ku Sulan.

Indai Ethan lalu nitihka peminta Sulan.Seduai pan bejalai seretai ka pansut ke luar.Datai ba luar maya mansa Ethan..

"Tan,nuan belelak dulu mih.Malam legi kin
au,"kenu ku Sulan nandu peminta iya tadi.

Ethan nagunka pala tanda setuju.Enti nitihka ati lembau mih Sulan ka mulaika diri.Tang utai kedeka ati enda alah dititihka endar.Di varenda,Ethan nengkilaka pejalai indai iya enggau Sulan nuju ke rumah sida Sulan di sepiak.

Sulan ti benung bejalai pulai ke rumah sigi nemu diri benung diperatika Ethan.Iya beguai malik ke belakang lalu senyum.Ethan pan senyum mega meda Sulan malik iya .Bungai pengerindu nyu majak ngerembai.Ati semampai sesengit lelengau,udah betemu mua asaika bedau.

Malam pukul 12:00 sida pan begempuru makai nyambut taun baru.Sepenembu makai malam Ethan lalu mulaika diri ke rumah.Enda nganti indai iya.Juluk ati iya ka pulai dulu laban deka ngaga assignment.Iya endang amat pemisi maya tu tang assignment enda ulih enda digaga,nitihka ati bangat enda sabar mih iya ka nembuka diploma nya.Nadai entu ulih rindang maya agi belajar baka tu.

Setaun da meh agi! Kenu ku Ethan bejaku di dalam ati meransang diri.

Tama ke bilik peninduk Ethan lalu berengkah ngaga assignment.Bisi 10 minit udah nya iya ninga munyi setap kaki orang bejalai tama ke rumah.Tang Ethan enda kiruh kumbai iya indai iya udah mulaika diri.

Setap kaki tadi ngetu ba depan bilik peninduk Ethan.Pintu bilik ditukangka ngenyit.Gamal Sulan lalu ayan di mua pintu.Ethan beguai angkat meda Sulan baka ti ka tama ke bilik iya.

"Nama gaga nuan kitu jauh malam ketu?"

"Lelengauka nuan arr...lapa ga nuan pulai enda
madahka aku tadi?"Nyu munchung mulut Sulan
bejaku.Seretai ti bejaku kaki iya mega lalu
nyingkang tama ke bilik Ethan.

"Eihhh pansut ke luar tua."Laju singkang kaki Ethan
pansut mansa Sulan ke udah tama ke bilik.

"Nuan muru aku pulai?"kenu ku Sulan enda puas
ati meda ulah Ethan baka ti enda rindu ke penatai
iya kia malam nya.Nama pemali berandau di
dalam bilik peninduk nya pia ku dalam runding
Sulan.

"Enda aku muru nuan,legi nyu temu sida indai.Ya
ga hari udah malam .Pagi pagila ga nuan kitu
baru,"kenu ku Ethan.Enda lantang ati iya meda
Sulan datai kia maya jam udah jauh malam
baka nya.Nambah ga diatu semina seduai iya aja
di rumah.

"Enda lelengauka aku nuan Tan?"

"Lelengau aku dih,enti ka nyadi dibelah dada tu ka
ngasuh nuan melah ya ngambika nuan meda
pemayuh pengelengau aku ke nuan,"kenu ku Ethan
bejaku lalu tuchum nguji ka ngumbuk Sulan.

Tang jaku umbuk Ethan enda ngasi sekali tu.Nyau majak munchung mulut Sulan dia.

"Eeee...nama utai disenakutka nuan,enti temu sida
indai jadi sekali ga tua,"kenu ku Sulan nimbal.

"Apuu...ka nuan jadi enggau aku diatu? Kerja ga
empai bisi,nama kena aku nupi nuan?"

"Eeee...mayuh amai kedalih nuan tu.Nya mayuh
sawit sida aba aku din kena tua nupi diri dih,"ku
Sulan nyaut.

"Ukai aku ka mayuh kedalih.Emmm...udah aku
abis sekula,udah aku bulih pengawa,ba ditu
aku bedanji enggau nuan,sigi ngambi nuan ke
bini ila."

"Agi lama amai nya Tan,irau aku nangika nuan
berubah ati ila,"Sulan bejaku lalu mantaika gamal
sinu.

"Enda aku berubah,anang irau nuan."

"Baka ni aku ka pechayaka nuan enda berubah?"

"Pechaya meh ke aku Sulan!"kenu ku Ethan.Nyau
enda nemu agi iya baka ni chara ka ngasuh Sulan
pechaya ke jaku iya.

"Herrmm...au mih.Bedanji enggau aku arr,nuan
enda tau bisi orang bukai kelimpah ari aku,"ku
Sulan.Taja di dalam ati semampai irauka Ethan di
ambi indu bukai ari iya.Iya irau laban ngasaika
pendiau diri ti gemu baka nya.Nangi belama ati
enti ngenang Ethan ke empai nyadi laki iya.

"Enda aku ngiga orang bukai.Nuan ti udah pansut
pemutus peresa STPM ila tau nguji nampung
pelajar nuan baru,"ku Ethan mesan Sulan.

"Ishh, lembau amai aku ka nampung pelajar,"ku
Sulan mantah buah runding Ethan.

"Sulan,enti nuan enggai nampung pelajar nama ka
digaga nuan udah nya dih?"

"Aku nganti nuan abis diploma."

"Aku ka nampung ngambi degree ila,"saut Ethan.

"Hahh...!! Makin lama mih nuan belajar."

"Sulan,aku tu ukai orang senang.Peda nuan
pendiau aku diatu,enti aku enda ngemajuka diri
baka ni pengidup kenduai indai aku? Baka ni
pengidup tua jemah ila?"

"Hermm...au mih Tan.Ni ku nuan."

Benung seduai iya dedegi berandau ba bilik besai,pintu rumah ngenyit ditukangka.Ayan indai Ethan di mua pintu..

"Sulan..??" ku Indai Ethan tekenyit.