Indu nya majak ngansak semak Ethan.Enda memukai iya tak ka nudukka diri ba pah Ethan.
Berumban tudah Ethan angkat ngelarika diri.Iya pan lalu ngiga Asun udah nya,puas iya gegining. Ya ga orang bangat mayuh di dalam pub nya.Mata ga nadai tentu terang utai dipeda laban api lampu ti kelulap.

Dini mih Asun tu? Ku Ethan betanya di dalam ati.
Sekali iya meda bisi orang begau ba dalam pub nya.Nyau Ethan ngelawa tugung mensia ti begau,peda iya Asun gegaring ba lantai benung dijamah orang dia.

"Nuan anang ka ngachau ungkup aku!"kenu ku jaku orang ti nyamah Asun.Asun ditendang iya ba perut.Maya iya ka nendang sekali da Ethan pan lalu berumban mansang ngelawa Asun.

"Sapa nuan tu? Kaban nuan nya? Bai pansut iya
nya..nadai guna mensia nya!!"ku orang nya bejaku
enggau Ethan.

Nyau meh Ethan ngirit Asun pansut.Datai ba kerita lalu mupuk mih seduai pulai.Ethan ti dreba.Asun nyu enda dapat pengudahka dijamah orang ba dalam pub tadi.

Ethan enda bemunyi maya deriba.Baka nya mega Asun.Engka benung ngetatka bekau pedis dijamah.Datai di rumah Ethan ngelakka Asun ngatika diri.Ethan nyu nyambung pengawa ngaduka resume iya ti dilekaka tadi.Tembu nya iya pan lalu nindukka diri.

Pagi hari siti, pansut Ethan ari bilik peninduk nadai ga iya meda Asun di bilik besai.Abis bilik endur begiga nadai ga tetemuka Asun.Ethan pan enggai kiruh agi.Peragam ati iya Asun sigi udah mulaika diri.Ethan lalu beradu deka nurun gawa.Tumu mimit iya nurun pagi nya laban ti deka nganjung resume ngagai company endur Helen gawa.

Sebedau nurun ambi iya name card Helen.Numur Helen ditekan ba keypad.

Tut..tut..tut...

Helen ?? Hello..

Ethan ?? Helen,aku ka gai opis kita kia,pukul berapa opis kita buka?

Helen ?? Empai buka maya tu,pukul 8 legi.Nuan dini diatu dih?

Ethan ?? Oooo...baru ka mupuk ari rumah aku tu.

Helen ??Legi aku nganti nuan depan opis ga.

Ethan ?? Au.

Randau seduai iya diketuka naka nya aja.Bisi 10 minit pia datai ga Ethan ba depan opis Helen.
Helen endang sigi udah nganti penatai Ethan dia.

"Aram breakfast dulu tua,"kenu ku Helen.

"Au mih,dini bai nuan?"ku Ethan betanya.

"Aaa..ba kedai seberai din,bejalai kaki aja tua
kin,"kenu ku Helen nyaut sambil jari nunjuk ke
seberai jalai.

Nyau mih seduai iya seretai bejalai kaki ngelayang jalai ke seberai kin.Maya duduk betunga serayaka nganti pemakai ti diudar datai,dia dih Helen suah nyeling Ethan belalai.

Ethan enda nemu diri diperatika Helen.Datai utai dempa seduai pan lalu bela belabuh makai.Tembu makai Ethan nyuaka Helen tisu.Helen enda terus nyambut tisu,iya nyu tegenung dulu merening Ethan.Udah nya Ethan nunjukka jari ngagai mulut Helen madahka bisi utai lekat ba tisi mulut iya.
Nya baru Helen beguai nyambut tisu ti disuaka Ethan.

Nyu bebungai gaga ngapa asai ati Helen disuaka tisu.Tang Ethan enda sedarka semua penyelai ulah Helen maya seduai iya betunga dia.

"Aram mupuk tua.Nyu udah ka pukul 8 jam tu",
kenu ku Ethan madahka Helen.

Ethan endang berupai ka ngerumban jam.Nambah ga iya enggai laun datai gawa ke opis iya empu.
Helen pan meretika kebuah Ethan ti deka berumban taja pan ati agi belala betunga dia.Pengudah bebayar seduai iya lalu mupuk ke opis Helen.

??

Seminggu pengudah nya Ethan dipadahka Helen bulih pengawa ba opis sida iya.Bulan siti Ethan udah tau ngenataika diri gawa kin kenu ku Helen.

Malam nya Ethan lalu ngaga surat resign ti ka disuaka ngagai manager sida pagila.

Maya surat udah tembu digaga,tinggal deka print out aja tang keretas A4 ka kena print ga nadai ditemu.Nyu puas Ethan rerigau di dalam bilik.
Kutak keretas A4 ke bisi dia endang nyengala udah puang.

"Akaii...enggai enda maya tu ga keretas abis,"kenu
ku Ethan muchau bejaku kediri.

Laban Ethan ti sigi ka berumban nganjung surat resign dia dih iya pan lalu pansut malam nya mega deka meli kertas A4.

Hari endang udah ka jauh malam.Mayuh kedai udah tutup.Abis pasar Bintulu nya dipusin Ethan nya baru iya tetemuka kedai stationery ti baru ka nutup pintu kedai.Berumban baban Ethan pansut ari kerita ka ngelawa kedai nya.

Nasit mih iya sempat bulih meli kertas A4.Pansut ari kedai tak betemu enggau Chumang ti benung duduk dedugau ba kedai kopi di sepiak kedai stationeryn ke endur Ethan meli keretas tadi.

Di sepiak Chumang bisi siku nembiak mit.Ethan enggai nyadi ngaga diri enda meda,laban Chumang pan endang benung merening ngagai iya.

Mansang Ethan ngelawa Chumang,iya nudukka diri betunga enggau Chumang.Mata Chumang dipeda iya berupai bangkung nandaka iya baka ti baru udah bendar nyabak.

"Seduai aja?" ku Ethan nanya ngepunka randau.
"Au,"saut Chumang seleka aja.

Lapa mih enggai enda betemu enggau Ethan ditu? Kenu ku dalam ati Chumang betelai.Bisi berasai malu tudah laban nemu mata iya balat bangkung bai bendar nyabak selemai-lemai tu tadi.Ukai nya ulih dipelalaika.

"Sapa nama nuan?"ku Ethan nanya nembiak mit di
sepiak Chumang.Peragam ati Ethan sigi ngumbai
nya anak Chumang.

"Aby,"ku nembiak mit nya nyaut sambil mantaika
tuchum.

Jari Aby enda ngetu ngayam batu ais ba dalam gelas.Chumang nyu berupai enda lantang dia.Iya pan lalu ka ngangkatka diri.

"Mupuk dulu kami duai udah laun amai jam," ku
Chumang bekedalih.

"Au,"ku Ethan ga.

Ethan pan nyau ga mupuk angkat lalu bejalai ngelawa kerita iya.Maya ti deriba mansa endur orang nganti teksi dia Ethan tepedaka Chumang seduai anak iya.Ethan pan lalu ngetuka kerita iya dia.Cheremin kerita diturunka iya.

"Aram nepan enggau aku ditu,"kenu ku Ethan lalu
ngepai Chumang.

"Enda ibuh mih," ku Chumang nyaut.

"Aram mih kasih Aby nya bai nuan nganti dia,"ku
Ethan ngumbuk Chumang.Sinu iya meda anak
Chumang,ukai nya nemu utai.Ingatka ulah Asun
sehari nya Ethan sigi nemu Chumang seduai Asun
benung charut diatu.Tang iya enggai kiruh iga ke
hal dua iku melaki bini nya.Nama utai ke ulih
ditulung- tulung ga.

Meda Ethan beamai-amai ka ngemai iya,ka ga Chumang nepan ba kerita Ethan.

"Dini endur aku nganjung nuan?"ku Ethan betanya.

"Ngagai Hotel My Inn,"ku Chumang nyaut.

Di dalam kerita enda bemunyi aja Chumang.Ethan pan enggai mayuh utai tanya.Asal udah nganjung Chumang enggau anak iya pulai ke Hotel udah mih nya legi ku dalam runding Ethan.

??You can run away but you can't hide
Through a storm and through a lonely night
Then I'll show you there's a destiny
The best things in life they are free
But if you wanna cry
Cry on my shoulder
If you need someone
Who cares for you
If you're feeling sad
Your heart gets colder
Yes I show you what real love can do??

Chumang ti ninga lagu ke ditebah ba radio di dalam kerita nya nyau makin sinu ga asai ati iya dia.Nyeling belalai iya ngagai Ethan,enda memukai runding iya nyu nyeligau.Lapa mih aku enda tebuka ati ka nerima Ethan suba? Pia ku Chumang betanya di dalam ati.Diatu iya chukup nesal ngenangka utai ti udah nyadi ba rumah tangga iya.

??
Sebulan pengudah nya.

Ethan pan nyu gawa ba company baru.Nyamai iya ba endur company baru nya laban nyu bisi pangkat.Diau ba bilik opis kediri mega.Enda bekunsi enggau orang.

Helen mega nyu megai tanggung pengawa nyadi secretary Ethan.Mija endur Helen gawa ya nya ba tisi pintu penama ke bilik opis Ethan.Dinding kacha nyadika entara bilik seduai iya Ethan.Semua pengawa Ethan sigi ulih dikelilaka iya magang.
Tang Ethan enda kala sedarka diri suah ditengkilaka Helen.

Di bilik opis Ethan ngetuka pengawa lebuh talipun iya bemunyi.Peda iya ba skrin talipun nya ayan nama Asun.

Ka lembau asai Ethan nyaut talipun.Pengudah hal ti nyadi ba pub suba Asun pan lanjur nadai kala ngiga iya agi.Ethan empu enda mih kiruh ka ngiga Asun.

Nyau ketiga kali Asun betalipun nya baru Ethan nyaut.

Asun ??Tan dini endur nuan?

Ethan?? Benung gawa aku tu.

Asun ?? Tan aku ka minjau kerita nuan.

Ethan?? Haa? Ni kerita nuan dih?

Asun ?? kena Chumang.

Ethan?? Ya nuan ka kini deh?

Asun ?? Pinjau aku dulu mih enda lama malam tu enggau pagila aja.

Ethan?? Gai opis aku kitu nuan ngambi kunchi.Ba Posim Petroleum ditu aku gawa.

Randau ba talipun diputuska Ethan.Udah nya bedemuh iya ngenangka Asun.Ka enggai nyuruh minjau enggai nyadi ga laban ngira kelalu lama udah bekaban.

Tuk ! Tuk ! Tuk !

Helen natuk pintu bilik Ethan,iya tama ngemai 3 keping pail.

"Sign nuan tu legi,"kenu ku Helen.

Ethan ngambi pail ti dibai Helen lalu dibacha iya siti-siti rambar keretas ba dalam pail.Helen dedegi nganti ba tisi mija.

Benung Ethan rindang macha utai ba dalam pail nya talipun iya pan bemunyi baru.Nama Asun ti ayan ba skrin.Talipun lalu disaut.

Asun ?? Udah datai aku.

Ethan?? Lalu tama kitu mih nuan.

Tuttt...
Talipun terus ditutup Ethan.Semadi endar iya ka kiruhka Asun.

Asun ti ba luar opis rerigau ngiga endur Ethan. Ethan enda ga madahka endur bilik opis diri.Nyu betanya ba sebelah staff ti gawa dia tudah Asun,nya baru iya tetemuka bilik Ethan.

Telenga pintu bilik Ethan lalu ayan mih mua Asun.
Tekenyit Ethan meda pendiau Asun.Nyu teberunsai gamal.Buk gerusu panjai reribab.Baju baka enda dibasu seminggu.Amai nyau ka enda dikelala iya agi Asun.

"Ni kunchi kerita nuan?"ku Asun betanya.Dudi
Asun nanyaka berita.Dia Ethan endang nemu
Asun benung besegaut ka ngena kerita iya.

Ethan nyuaka kunchi,tang enda mansutka jaku seleka.Helen ti agi ba dalam bilik nya semina nengkilaka seduai iya aja.Helen berupai enda ngelala Asun.

Pengudah Asun pansut nya baru Helen bejaku.

"Sapa nya bos?"ku Helen betanya.

Sekumbang ti udah nyadi secretary Ethan iya nyau ngangauka Ethan bos mih diatu.

"Kaban aku ka minjau kerita,"ku Ethan nyaut.

"Ouhh.."ku Helen.Iya agi dedegi mih nganti Ethan
tembu meri 'signature' ba pail ti dibai iya tadi.

Helen nemu agi lama endur Ethan ka tembu meri sign,tang mih iya enda peduli.Sanggup iya nganti bediri dia.

Enda tentu lama udah nya bemunyi baru ga talipun Ethan.Peda iya Sulan ti betalipun sekali tu.Dikelala ari numur aja laban iya enda nyimpan numur Sulan ba dalam telipun agi.Talipun disaut Ethan.

Sulan?? Tan,indai tama sepital ,luput iya tadi.

Ethan??Au..au..aku pulai diatu.

Talipun ditutup Ethan.Berumban iya angkat.Udah nya ingatka kerita ti dipinjau Asun iya pan beguai betalipun ngagai Asun.Nyu lebih 10 kali Ethan betalipun enda ga disaut Asun.Ethan lalu bedemuh.

"Nama hal nya bos?"ku Helen betanya.Irau iya
meda Ethan baka ti benung tusut runding.

"Indai aku tama sepital,kaban aku ti minjau kerita
nya tadi enda ga nyaut call,aku tu ka pulai jampat
ke menua,"ku Ethan nyaut enggau ati ti kekesit ka
pulai.

"Kerita aku ga kena nuan pulai,"ku Helen.

"Nama kena nuan dih?"ku Ethan betanya.

"Enda ngawa,ila ngena kereta daddy aku ga nurun
gawa,"ku Helen lalu nyuaka kunchi kerita iya
ngagai Ethan.

Udah bulih kunchi lalu nyau mih Ethan berumban pulai ke menua.