Maya Ethan udah pansut ari bilik opis,Helen lalu nusun pail ba atas mija ti dibai iya tadi.Ditusun iya memanah,keresa bukai ti bisi temera ba atas mija mega lalu ditusun iya sekali.Pengudah puas ati meda bilik nya kemas baru Helen pansut keluar nudukka diri ba mija iya empu.

??

Datai Ethan di menua,iya lanjur deriba ngelawa sepital.Datai di sepital Ethan lalu tepedaka Sulan benung berandau enggau indai iya.Nadai ngasuh iya alit ati meda Sulan bisi dia.Ethan pan nyingkang laju ngelawa katil indai iya.

"Keni nuan tau luput tadi indai?"ku Ethan
betanya.Iya lalu ngenudukka diri di sepiak katil
indai iya.

"Ehh, enda ingat makai ubat,"ku indai iya nyaut.

Ethan bedemuh ninga saut indai iya.Semampai irau ati belama ngenangka indai iya ti diau kediri di menua.Laban iya ti nangika utai baka nya nyadi.
Suah iya mai indai iya diau segulai enggau iya,tang indai iya enggai dibai diau di nengeri.

"Indai,udah pansut ari sepital ila enggau aku..."

"Nadai ngawa bisi Sulan selalu ngabas aku ditu."

Empai abis leka jaku Ethan udah nemu indai iya nama utai ti deka disebut anak bujang iya nya.
Ethan bedemuh baru.Seput disintak dalam-dalam,lalu dikesuhka belubah.

"Nadai ngawa aku tu dih Jang,anang irau nuan bisi
Sulan enggau aku," ku Indai Ethan laban ti enggai
ngasuh Ethan kelalu irauka iya.

"Nadai ngawa agi indai diatu dih,anang irau,"kenu
ku Sulan ga.

"Pulai dulu ga nuan,bisi aku nguan indai aku
ditu,"ku Ethan madahka Sulan.

"Enda ngawa, ditu aja mih aku ngibun iya,"ku
Sulan.

"Pulai dulu mih nuan endu,nya udah bisi Ethan
ditu," ku Indai Ethan ga.

"Enda ngawa indai,eeihh...aku tu ka ngibun nuan.
Tan,nuan tau agi pulai ke rumah,belelak din dulu,"
ku Sulan enggai ngalahka diri.

"Nuan tau mih pulai seretai Ethan.Malam legi kitu
baru ga ukai nya jauh sepital tu ari rumah,pulai ke
rumah dulu mih seduai, mandi ,makai diau belelak
dulu."ku Indai Ethan.

Sekali tu enda ga Sulan mantah jaku Indai Ethan. Iya lalu merening ngagai Ethan.

"Aram mih pulai dulu,"ku Ethan ga.

Nyau mih seduai iya mupuk pulai ke rumah.Sulan terus nitihka Ethan,lalu nepan ba kerita siku nya.

Di dalam kerita Ethan sempat betalipun ngagai Helen.

Ethan??Enda nurun gawa aku pagila.

Helen??ok..kati baka indai nuan?

Ethan?? Udah begi ga iya tadi,tang empai temu kemaya ulih pansut ari wad.

Helen??Enti pia udah iya pansut ari wad ila ga nuan pulai,kerita aku nya kena nuan aja mih.

Ethan?? Terima kasih.

Sulan?? Okey..take care bye..

Ethan??Bye.

Randau seduai iya ngetu naka nya aja.Sulan ti duduk ba sepiak Ethan diau aja lebuh mendingka Ethan berandau ba talipun.

"Nuan nibuh enggau aku malam legi,ngelakka aku
aja ngibun indai aku,"kenu ku Ethan.

"Eee,aku mih ngibun iya.Nuan belelak aja mih di
rumah."

"Sulan,aku ga udah datai ditu aku mih ngibun indai
aku,anang ngenusahka diri nuan."

"Nadai aku ngenusah diri,sigi aku empu ti ka
ngibun indai."

Bedemuh Ethan ninga saut ari Sulan.

"Sulan…nuan anang naruh pengarap ngagai aku
agi."

"Tan,nama bangat kelalu nadai agi endur aku ba
ati nuan?"

"Nadai agi!"

Sulan nundukka mua iya ninga jaku saut Ethan.
Berasai ensiban ati iya dia.

Ethan aku enda peduli.Aku pechaya jemah hari ila nuan sigi ulih muka pintu ati nuan ke aku baru.Ku sulan bejaku dalam ati.

??

Tiga hari pengudah nya Indai Ethan dikemendarka pansut ari sepital.Sulan enggau ngambi Indai Ethan pulai ke rumah.Tang seduai iya Ethan enda segulai nepan kerita.Bela ngatika diri.

Datai di rumah,

"Belelak di bilik dulu nuan indai,"ku Ethan madahka
indai iya.Ethan laban ti meda Sulan bisi sama
enggau di dalam bilik peninduk indai iya, lalu
beguai mih Ethan pansut.

"Nama utai ka empa nuan indai? Legi aku manduk
ya,"kenu ku Sulan.

"Nibuh Endu, anang ngiruh diri.Empai tentu ka
makai utai nyawa aku tu diatu,"ku Indai Ethan.

"Bubur dih indai? ka nuan makai bubur?"ku Sulan
betanya baru.

"Au mih,"ku Indai Ethan ga udah nya.

Ethan tadi pansut ari bilik lalu ke dapur berapi deka manduk utai.Sekumbang ti udah lama diau nyua rumah di Bintulu Ethan nyau teleba endar iya ngintu utai ba dapur.Laban iya ti enggai makai di kedai. Nyamai manduk pemakai diri ba rumah pia ku runding iya.

Sulan ti ka manduk bubur tadi nyau ga bejalai ke dapur.Meda Ethan bisi ba dapur iya lalu tuchum.

"Indai ka makai bubur."

"Au legiku manduk ya."

"Aku mih manduk."

Ninga Sulan keran ka manduk bubur,Ethan pan lalu ninggalka dapur.Enda tentu lama udah nya datai baru ga iya ke dapur ngambi talipun ti diengkah ba atas mija makai.Maya nya seduai iya iya Sulan sempat betemu perening mata.Ethan meri perening tajam sambil jari nyingkau talipun. Tekala nya iya lalu ingatka numur Lahung ti dibuai Sulan ari telipon iya suba.Pedis baru ati iya ngenangka pengawa Sulan nya.

Pansut ari dapur Ethan lalu tama ke bilik peninduk indai iya.

"Jang,nama seduai Sulan enggai nyadi begulai
agi?"ku Indai Ethan betanya.

"Enggai nyadi agi."Semadi Ethan ka nyaut.

"Nama kebuah enggai nyadi agi? Nama pengurang
Sulan nya?"

"Aku nadai ati ka ke iya agi."

"Nuan udah bisi orang bukai?"

"Au."

Pengudah Ethan ti nyaut nyebut 'au' seduai iya me indai nyu ninga utai begerancha ba luar pintu bilik peninduk.Ditukangka Ethan pintu meda Sulan benung bediri ba mua pintu.Kerimpak gelas kacha
temera ba mua pintu.

Ninga Ethan ti madahka diri bisi orang bukai nyau lemi tulang Sulan bai ati ti kelalu asa.Gelas ai lalu tebeleka ari jari iya.

Ethan mupuk ngumpul kerimpak gelas ti temera ba mua pintu.Sulan agi mengkang dedegi dia enda kekebut.Enda berasai ai mata iya neritik,ai mata nesal,nesalka ulah lama iya suba.Berasai nesal amat mih iya dia diatu.

"Tama kitu dulu Endu,"ku Indai Ethan.Meda Sulan
dedegi enda dipedulika Ethan baka nya nyu
ngasuh ati iya enda nyamai asai.

"Pulai dulu aku indai ,malam legi aku kitu baru."
"Au Endu,alai mih," ku Indai Ethan ,enggai ga iya
ngetanka Sulan.

"Bubur benung dipanduk dia,nganti ka mansau
da,"ku Sulan bejaku merening ngagai Ethan.Tang
enda ibuhka iya.Majak jari iya kiruh ngumpul
kerimpak gelas ba lantai.

Seminggu pengudah nya..??

Ethan pan mulaika diri ke Bintulu lalu berengkah gawa baru.Pagi siti maya datai ke opis kunchi kerita Helen lalu disuaka iya dulu.

Tama iya ke dalam bilik opis iya empu meda bisi bungai rose fresh bechura urin diengkah ba atas mija gawa.

Ethan nyengkau bungai rose lalu disium iya tekala nya.Panjai garis senyum ba mulut Ethan pengudah nyium bungai nya tadi. Manah endar ga bau bungai tu.Ku iya muji di dalam ati.

Helen ba luar dia benung meratika Ethan ari dinding cheremin.Helen pan enggau Ethan senyum.Iya sengaja milih bungai bechura urin laban keresa Ethan mayuh becura urin.Peragam ati iya chura urin nya endang sigi chura ti dikerinduka Ethan.

Di bilik opis Ethan sebedau berengkah ka ngereja pengawa iya nguji betalipun dulu ngagai Asun.
Asun tak lalu nadai ditemu berita pengudah minjau kerita iya sehari nya.

Bisi tiga kali talipun enda disaut.Ke empat kali iya nguji betalipun nya baru iya ninga nyawa indu nyaut talipun din.Munyi sura nyawa Chumang terus dikelala Ethan.

Chumang??Hello?

Ethan ?? Ni Asun?

Chumang?? Ditu Asun tama sepital.

Ethan ?? Hahh?? Lapa iya tama sepital?

Chumang?? Accident ngena kerita nuan.

Ethan ?? ……… legi aku ngabas Asun kia.

Randau ba talipun diputuska Ethan.Bechampur asai di dalam ati iya dia.Tusah ati ngenangka kerita, kasihka Asun ti bulih penusah.Berumban iya deka ngabas Asun tang ingatka diri ti nadai utai kena maya tu.

"Kerita aku ,kerita aku udah kena Asun siden!
Ahh... dehhh..!!"ku Ethan muchau bejaku kediri.

Nyu berat asai pala.Pia kasih ke Asun,pia pedis ati ga iya dia.Mayuh macham ulah Asun tu ! Ku Ethan
muchau di dalam ati.Iya pan lalu enda mih nyadi
ka ngabas Asun.

Lemai nya maya ti pulai gawa Ethan dedegi ba depan opis company.Maya Helen deriba mansa depan opis dia alit ati iya meda Ethan lalu empai pulai.

"Ethan,empai pulai nuan?" Enti ba luar opis enda
Helen ngangauka Ethan bos agi.Laban Ethan
empu pan enggai dikangauka iya bos maya ukai
ba endur gawa.

"Bedau ,agi nganti teksi."

"Aku nganjung nuan,"ku Helen.

Ethan enda nulak.Iya empu pan sigi berumban ka
pulai.Terus tama ga Ethan ke dalam kerita Helen.

"Dini nuan diau?"ku Helen betanya.

"Ba ParkCity Resident,"ku Ethan nyaut.

Di dalam kerita Helen lalu nebah lagu Destiny ari Jim Brickman.Lagu duet seduai iya Ethan suba.
Pengudah ti beduet enggau Ethan mai lagu nya,nyau rindu endar Helen mendingka lagu nya belama.Beratus kali ninga enda mih leju.

Ethan ti ninga lagu nya pan nyu tegenung.Rindu ga iya mendingka lagu nya laban nyamai didinga pending.Tiun enda kelalu ranchak,sentimental pia.

Enda berasai seduai iya Helen nyu belagu seretai nundaka lagu nya.Ati Helen pan lalu berbungai gaga.Agi belala begulai enggau Ethan,nyu datai ga ba rumah Ethan.

"Ehh...Ethan,nyau ka enda ingatku ka madahka
nuan dianjung kursus gai KL lusa ba HQ Posim
Petreoleum din endur kursus.Tiket nuan malam tu
aku book,legiku meri tiket ngena email gai
nuan,"ku Helen bejaku sebedau Ethan pansut ari
kerita.

"Au,bah bye.."ku Ethan pansut ari kerita,lalu ngepai
Helen.

Helen tuchum,Ethan pan tuchum sebedau iya nguing melakangka kerita Helen.

??

Pengudah genap seminggu kursus di KL Ethan pan mupuk mulaika diri.

Maya ti ka check in iya tepedaka siku indu ti dikelala sebaris enggau iya check in.Pengudah tembu check in Ethan lalu beguai ngagai indu nya.

"Lahung!"

Ninga nama dikangau Lahung pan malik ke belakang.Meda Ethan ba depan mua iya nyau asaika nyerauh gaga iya dia.Tang ingatka Ethan nya udah bebini pedis ati baru ga iya.

Laju kaki Lahung bejalai nyingkang.Enda iya pedulika ka Ethan ngangau.

Ethan nyu belanda ngagai Lahung.Ditarit iya lengan Lahung maya nyu udah damping.Dikuyaska
Lahung ga jari Ethan.

"Lubah agi bejalai.Laju amai nuan, nyu enda alah
gagai," ku Ethan.

"Ya sapa ngasuh nuan ngagai aku?"

"Lahung,nama nuan nadai mesej enggau call aku?
Lapa nuan enda ngiga aku ngelama tu?"

"Nama guna aku ka ngiga nuan? Nuan enda mih
ngiga aku! Madah diri empai bebini,aku call nuan
malam nya orang indu ti nyaut madahka diri bini
nuan,"ku Lahung bejaku tang iya enda merening
mua Ethan.Pedis ati iya ingatka jaku indu ti nyaut
talipun Ethan malam nya suba.

"Apuuu...empai aku tu bebini."

"Bula!!"

Diatu seduai iya nyau udah sama nudukka diri ba bangku departure hall.

"Datai ba Bintulu din legi gai JPN tua,enti
status aku agi single keni ku nuan deh?"

"Ya sapa indu ti nyaut talipun malam nya dih?"

"Ishh, ipar nuan nya...menyadi laki betunggal
nuan.Talipun aku tinggal ba kerita sida iya
malam nya.Kami duai iya suba amai kala
besulu,tang nya jerita lama,"ku Ethan beterus
terang.

"Lapa ga iya ngambu nuan ke laki ?"
"Entah."

"kada enda iya agi bisi ati ka ke nuan."
"Aku enggai ke iya,aku ka ke nuan diatu."

Lahung beguai nguingka mua iya ke tisi tuchum belalai ninga utai ti dipadahka Ethan.Kelalu beterus terang ga Ethan tu bejaku ku Lahung dalam ati. Berasai gaga endar iya ninga jaku Ethan nya tadi.

"Lapa ga nuan enda ngiga aku ngelama tu enti
nuan amat ka ke aku?"

"Abis numur orang ba talipun aku dipadamka
ipar nuan nya."
"Eihhh...agi ka ke nuan mih iya nya ti pia."

Enda berasai nyu ka chemburu ngapa ga Lahung.

"Nih meri aku numur nuan baru ga."
"Anang nyimpan iya ba talipun,uji simpan ba dalam untak,ila lusa engka dipadamka orang baru ga numur ba talipun nuan,"kenu ku Lahung nyindir Ethan.

Ethan lalu ketawa ninga jaku Lahung.Enda berasai jari iya nyubit kuyu Lahung.Nyu bebali mansau mua Lahung bai ati malu.

Malu tang di dalam ati tetap berasai gaga.Ethan pan baka nya mega panjai garis tuchum di mulut