Di kedai Bungai.

Ethan nyingkau bungai ros mirah.Helen ngemataka aja.Bisi 10 tangkai udah dijingkau, dilekaka iya baru ga udah nya.

"Manah agi meli benih bungai sekali,"ku Ethan.

"Nuan ka nanam bungai?"ku Helen betanya.

"Au, ka tanamku ba tengah laman rumah.Nuan ka meli
ga?"

"Enggai aku, nadai hari aku ngintu bungai."

"Meseti ka diintu ga bungai pia?"

"Mesti ka dibaja, disiram agi, enti iya sakit ka diubat
ga.Kelebih agi ti nuan nanam bungai rose nya, ukai
nyamai nyaga bungai nya."

"Nadai beleman nya dih dibaja enggau disiram aja,
enti  iya majak ka sakit meli baru ga."

"Eihh...ni tau baka nya.Enti nanam bungai, ati nuan
mesti ka bisi penyayauka bungai mega."

"Legi nuan enggau aku nanam iya ga,"ku Ethan lalu
ngambi dua bungkus benih bungai rose mirah.

Datai di rumah Ethan..

Nya mih keterubah Helen ngindikka kaki ba tengah laman rumah Ethan.Peda iya ba tengah laman rumah nya berupai puang.Aruh ya Ethan ka betanamka bungai ditu.Ku Helen bejaku di dalam ati.

"Helen, kitu duduk ditu.Enggau aku ngerumbak
tanah tu.Ka kena aku nanam benih bungai tadi,"ku
Ethan.

Ethan empu endang sigi udah  duduk entap ba tanah dia.Seduai lalu empai tama ke rumah.Mansang ga tudah Helen pengudah ninga Ethan ngangau.Sama gawa ngerumbak tanah dia mih seduai iya.

"Akaii...nama utai  ngetup tu?" ku Helen.

Diketikka iya ngenyit selipar ba kaki.Peda iya tak semut semada api benung ngetup tapak kaki.Selipar ti diketikka Helen tadi tepelanting ngagai Ethan  ti benung kiruh ngerumbak tanah.

"Nama hal betikau ngena selipar arr!"ku Ethan.

"Semada! Semada! "ku Helen.

Nyu engkajat Helen meda semada api  ti makin mayuh semayuh pansut ari tanah ke dikerumbak iya tadi.Helen engkajat ngapa tang agi ga enda lari ari endur nya, nyu ulih Ethan narit  ba lengan ngemai iya lari.

"Udah nemu semada nya benung begau majak ga
nuan  engkajat dia," ku Ethan.

Jaku Ethan enda tama ke pending Helen.Pegai jari Ethan ba lengan iya nya berasai angat agi ari ketup semada api tadi.

Serayaka nganti semada nya badu begau seduai iya nudukka diri ba bangku di luar rumah.

Ethan meratika Helen ari tisi, peluh udah bisi ngemasahka kening Helen lalu neritik ke tisi kuyu iya.Jari Ethan enda berasai lalu ngendas peluh ba kuyu Helen.

Nyu asaika kena tangkap karan ba kuyu ti dilap Ethan nya tadi sepi Helen.Iya pan nyu enda dapat ka engkebut.

"Ouhh..sorry,"ku Ethan sambil ketawa.

"Lapa ga nuan besorry-sorry?"ku Helen bebengap.

Alit ati iya meda ulah Ethan.Ya minta ampun ya ketawa ga merening iya.Kebendar ya Ethan ngelap peluh Helen ngena jari iya ti dikena ngerumbak tanah tadi.Lalu empai dibasu jari iya nya dia.Nya mih kuyu Helen nyu kena balut tanah.

"Tama aram meresi diri dulu tua.Nyu kamah kuyu
nuan  laban jari aku,"ku Ethan bejaku enggau
tuchum ti agi mengkang di mulut.

Pengudah tama ke dalam rumah, dia dih Helen lalu meratika utai di dalam rumah Ethan.Beresi serta kemas.Nadai utai dipeda temera.Chukup landik Ethan nyaga pemeresi rumah iya.Nyau rindang agi ga asai ati Helen.Iya mega agi enda pechayaka diri ulih ngindikka kaki ke dalam rumah Ethan.

"Alai basu dulu mua nuan,"ku Ethan lalu nyuaka kain
tula  mit ngagai Helen.

Nyau Helen masu mua ba singki dapur.Ethan nyau ga tama ke bilik mandi .Tembu bebasuka mua, Helen terus ngelap mua iya ngena kain tula mit tadi.

Eh, kada udah beresi amai mua aku tu.Ni cheremin? Ka betinjau dulu.Kenu ku dalam ati Helen.

Rerigau iya ngiga cheremin ba dapur dia.Nadai ga tetemu.Nyau iya ngagai bilik mandi, tang pintu bilik mandi ditutup.Ninga munyi ai deduru di dalam dia nemu mih iya Ethan nya benung mandi.

Di tisi pintu bilik mandi nya aja ke bisi cheremin.Helen lalu betinjau dia.Enda tentu lama nyu ditelengaka Ethan pintu bilik mandi, Ethan terus nyengau ke luar.Tubuh agi di dalam bilik mandi,pala aja ti ayan.Tegepang ati iya meda Helen benung betinjau ba cheremin dia.

Helen ti ninga munyi pintu telenga lalu merening kia.Besabung perening mata mih seduai iya.Ethan lalu enda ga ati pansut.

"Helen, ka nuan nulung ngambi kain tula ke aku?"

Enggau  ati semadi mih Ethan minta diambika Helen kain tula.Beketup sima iya geram kediri empu ti enda ingat ngemai kain tula tadi.Ya ga bejaku enggau Helen sambil geganjang ari dalam bilik mandi.

"Dini endur kain tula nuan?"

"Din, dijembi aku ba ujung bilik."

Datai di ujung bilik lalu dijingkau Helen kain tula bechura urin.Dah nya berumban ga iya tama ke bilik baru lalu nyuaka Ethan kain tula.

Pengudah  tembu begari pansut  Ethan ngelawa bilik besai, peda iya Helen benung dedugau ba bangku nunga TV.Meda Helen ti benung rindang, Ethan pan lalu nyau ke dapur ngambika seduai iya utai dempa.Jingkau iya ai bungai kutak dua iti.Lalu ngemai buah oren dua igi.

Datai di bilik besai Ethan lalu duduk nunga Helen.
Meda Ethan udah duduk nunga iya, Helen lalu berundingka utai ti ka dipadahka iya ngagai Ethan ngelama tu.Patut tauka enda aku madahka iya diatu? Ku Helen betanya di dalam ati.Perening iya Ethan benung nyinuk amat meda TV sambil nyirutka ai bungai kutak.

"Ethan...kemaya seduai Lahung ka jadi?"

Ninga jaku tanya Helen nyau lalu sedekan Ethan ti benung nyirutka ai bungai tadi.

"Nadai nasit panjai begulai kami duai Lahung,"ku Ethan  nyaut sambil jari iya murus dada ti pedis  bai sedekanka ai bungai.

Nama kebuah  Helen seredah nanyaka Lahung? Ku dalam ati Ethan betanya.Dini enda nyu ngasuh iya sedekan bai ati ke nyu tekenyit.Nambah ga iya lama udah muai Lahung ari ati enggau kutak pengingat.

"Nadai ati ka ngiga sulu baru ke ganti Lahung?"

"Nadai,"saut Ethan seleka.Iya enda malik Helen
maya  bejaku.Mata iya enda beilap meratika jerita
ba TV.

Ninga saut Ethan munyi nya nyau berasai asa ati Helen. Kiraka enda nyadi iya ka madahka utai ti udah lama ditaruh likun ba  dalam ati ngelama tu.

Helen nyu enda bemunyi agi, Ethan pan lalu nyeling iya. Helen benung tegenung, mata iya enda meda jerita ba TV.

"Nuan ka pulai diatu?"ku Ethan betanya.

"Au."

"Aram ga mupuk."

Ethan lalu angkat ari bangku.Helen pan enggau angkat, iya bejalai keluar entudi Ethan.Di dalam ati chukup berat asaika pulai laban juluk ati lalu empai nyadi nyata.Tang mih Ethan kelalu enda ibuh.

Di dalam kerita Ethan.

Nyengala enggai kini Ethan ngiga sulu baru? Helen agi empai puas ati.Iya deka nguji betanya baru.

"Amai mutus ati nuan enggai besulu agi? Enda
sunyi  kini idup single?"

"Nuan nanya aku nemu endar, kati  nuan empu dih?"

Helen lalu ketawa ninga jaku Ethan munyi nya.

"Aku tu enggai idup single baka nuan nya.Bisi  ati aku ka ke orang siku, tang iya enda nemu diri.Kati ku penemu nuan? Patut tauka enda aku beterus terang ngagai iya?"

"Neiii... nuan ga udah madah enggai idup single,
padah  aja mih ngagai orang nya nuan bisi ati
rinduka iya."

"Tang orang nya baka nuan, keran ka idup single."

Helen sedarka  mua Ethan bisi bebali pengudah ninga jaku iya nya tadi.Kening Ethan nyu ngredut mih dia.

"Enti baka nya manah nuan ngiga orang bukai ga,"ku
Ethan meri jaku pemutus.

Mikirka utai ti disebut Helen nya ngasuh ati iya bisi berasai sinu ke Helen.Kapa Helen ka nganti orang ti ka idup single nyadika sulu.Masau jam, masau hari, masau pengidup aja ti nganti orang bansa nya.Pia ku dalam runding Ethan.

Helen nyu makin berasai asa ninga jaku Ethan.Iya nyau enggai berandau enggau Ethan agi, udah nya jari nyu rerigau ngiga talipun.

"Eihh...uji nuan call aku dulu.Nadai temu talipun
aku," ku  Helen.

"Nadai ngemai talipun aku ditu.Engka tinggal di
rumah  aku din kini talipun nuan."

"Ouhh...enti bisi ba rumah nuan nulung aku ngemai
ke opis ga pagila,"ku Helen.

Enggai ga iya ngemai Ethan nikal  baru laban pejalai kerita nyu udah jauh amat.

??

Di kedai cheremin mata aki Steven.

Jari Steven megai talipun ti ditemu di dalam kutak mayau iya.Ari tadi iya nganti talipun nya bemunyi.
Lalu enda nemu talipun diri teberayan mih indu tu.Lapa ga lalu enda betalipun kitu ngiga?

Peragam ati iya sigi Helen orang ke ngempu talipun nya.Kati tau labuh ngagai kutak mayau aku? Pelaba aku laban iya  besegaut ninggalka aku tadi nya talipun nyu teberayan.Ku Steven bejaku di dalam ati sambil ngukir tuchum di mulut.

Di Opis Posim Petroleum.

Helen benung dedugau ngirup kopi ba mija iya pagi tu, Ethan lalu empai ga datai.

"Weiii..Len, nama gaga nuan enda malas mesej aku
arr?? "Roy datai ke opis Helen ngemai pejalai lelentik.

"Nadai ba aku talipun, ya nama utai dipadahka nuan
ba mesej?"

"Sekula pom kitai bisi ngaga reunion, datai tua au Len."

"Reunion nama nya?"ku Ethan betanya.

Helen enggau Roy seretai malik ngagai Ethan.Enda ngadang sekali Ethan datai lalu nabakka diri ba randau seduai iya.

"Reunion sekula pom kitai suba arrr.Datai kitai tiga
Ethan, nya kada nuan udah nemu anang enda datai
lama amai kitai enda kala betemu."

"Lembau aku."

"Auu...enggai nuan enda!  Kami duai Helen aja ga," ku  Roy lalu melintuka Ethan.

"Nuan enggau pia?"ku Ethan nanya Helen.

"Hermmm..sama datai mih kitai,"ku Helen.

"Ermm nganti aku berunding dulu,"ku Ethan nyaut

Enti datai reunion sigi betemu baru enggau Lahung ila ku dalam ati iya muchau.Ethan enggai kiruh mikir agi, nyau iya ka tama ke opis, baru ka nukangka pintu..

"Bos ni talipun aku dih?" ku Helen betanya.

Roy ti ninga nyu tekenyit.Alit ati iya ninga  Helen nanya ke talipun  ba Ethan.

"Aaa...nya ka padahku tadi, nadai talipun nuan ba rumah  aku.Bendar aku ngiga kemari."

"Kada enda amai lenyau talipun aku nya dih.Roy, minjau  talipun nuan dulu."Nyu irau ati Helen ngenangka talipun  iya.

"Nyahh engku kena,"ku Ethan.

Tang Helen  udah dulu nyambut talipun Roy.Meda baka nya lalu nyau Ethan tama ke bilik opis iya.

Dienyakka Helen numur iya empu, dinga iya tak  nyawa lelaki ke nyaut talipun.

Helen  ?? Sapa nuan? Kati talipun aku tau ba nuan?

Steven?? Aku tu 'laki injau' nuan lebuh nya.Tua
                 beserara  ba depan market ikan.

Helen ?? Dini endur nuan? Aku ngmbi telipon aku
                 kia diatu.

Steven?? Nibuh nuan kitu, aku empu mih nganjung
                  talipun.Dini endur nuan dih?

Helen  ?? Ba Posim Petroleum ditu aku.

Steven?? ok.

Tuttttt...Randau ba talipun terus diketuka Helen.

"Uii Len..lapa talipun nuan nemu ngayap arr? Sekejap ba  Ethan ,udah nya ba orang bukai ga diatu."

Roy ari tadi bebengap.Nyau majak alit ati.Iya duduk beluit kaki manah sambil betungkat dagu ba mija Helen.Helen enggai nyaut Roy, legi ti disaut nyu ngasuh iya mayuh  agi  utai ditanya.

Kira 25 minit pengelama nganti, datai ga Steven kia..

"Haii..endu Helen.Tu talipun nuan kumang,"ku Steven.

Roy nyu rerangap meda penatai Steven.Sigat amat dih apai! Ku iya muji di dalam ati.

"Au, terima kasih"ku Helen.

Ethan ti meda Steven kia lalu pansut ari bilik opis ka ngasuh Helen ngeluaika iya ai kopi.Mata Ethan enggau Steven lalu besabung.Steven tegepang ati meda Ethan nya gawa dia.Iya lalu bejaku nelai Helen.

"Pelaba aku tua tu sigi ka diatur petara bekelala enggau  pangan diri, kapa nuan kiruhka bos nuan nya.Iya ga laki orang, aku tu ke sigi sah agi bujang endang meruan nganti nuan endu,"ku Steven.

Amat enda nemu malu iya tu.Ku Helen muchau ke ulah Steven di dalam ati.Ethan tu meda Steven nelai Helen nyau ngeredut ga kening iya.Enda berasai tak chemburu asai ati.Nama mih utai bangat dikerandau nyau  enggai enda betelai ku Ethan nganu dalam ati.

"Mupuk dulu aku, ila aku call nuan endu,"ku Steven.Iya pan lalu pansut ari opis nya.

Ethan nyau ga tama ke bilik iya baru, nyu enda nyadi ka minta diluaika Helen kopi.

"Apuuu sapa nya tadi Len? Sigat amat dih waii,"ku Roy.

"Steven, iya nya  ke tetemuka talipun aku."

"Apuu,Len enti Steven nya ka ke nuan tau terima aja Len. Sigat amat dih indai, enti aku tu indu chulin enda aku ngalau.Sayau gamal sigat enti enda diambi nyadika sulu.Baka akih ke di dalam opis nyin ngayahka diri aja pengawa.Anang nganti iya nya agi nuan Len, pecuma aja nuan nyadi dara tuai ila," ku Roy sambil mulut munchung nuju ngagai Ethan.

"Eh, muntang endar mih orang ka ke kitai ku nuan,"ku Helen nyaut sambil jari mupuk ngaga pengawa.

"Endai! Nama gaga iya nelai nuan tadi dih Len? Lain
amai ga pendiau baka ke udah teleba nuan, ku aku bisi ati ke nuan mih nya.Nadai kebuah kitai bejaku  nelai-nelai orang indu."

"Eeeee…pulai nuan alai lelak aku ninga nuan bejaku.Aku tu mayuh amai pengawa ditu legi nyu nganu bos."

"Nyeee nyu diburu iya kitai."

Angkat ga tudah Roy lalu nyau bejalai lelentik pansut ari bilik opis nya.

Ethan ti di dalam bilik opis ari tadi meratika ulah Helen seduai Roy.Penatai lelaki ti enda dikelala nya tadi ngasuh ati balat betanya.Tu kedua kali iya udah betemu enggau lelaki nya.Helen baka ti udah teleba amai ga enggau iya nya.

Ishh...nama kebuah ati aku asai tu.Tak chemburu ngapa.Pansut Ethan ari opis, lalu ngelawa mija Helen.

"Helen, enggau aku makai di rumah malam legi," ku Ethan sambil tuchum.

"Nama utai ku nuan bos?"

Terang jaku Ethan nya tadi, tang Helen nangika iya salah dinga.Asaika mimpi!

"Enggau aku makai malam ba rumah aku,"ku Ethan
bejaku baru.Tang sekali tu iya nelai pending Helen.