Di dalam bilik kelas 4A Sains Chumang benung richah berandau enggau bala kaban iya.Jam ti digantung ba atas papan tulis di kelas nya udah nunjukka jarum ngagai pukul 12:50 tengah hari.10 minit da sida nyu ka abis jam belajar.

Bala nembiak di dalam kelas udah sedia ngema beg mih sekeda.Bela enda sabar deka pulai ke rumah.

"Senyap!!"
Lahung ngelara sida sekelas ti benung richah dia.

"Dengar sini semua!
Saya nak bagi pengumuman,besok sekolah kita
mengadakan kuiz bekaitan dengan kesihatan
tubuh badan sempena minggu anti dadah,kuiz ini
akan dibuat bersama pelajar tingkatan 4 dari
kelas lain.1 kumpulan kena ada 10 orang ahli.
Kalau tak cukup ahli kamu orang boleh cari ahli
dari kelas lain.Program ni diadakan di dewan
makan sekolah bermula jam pukul 8 pagi.
Sebelum pukul 7:20 pagi semua ketua
kumpulan kena hantar nama ahli kumpulan
masing-masing kepada saya."

Kringggggggggg!!!!

Tembu Lahung bejaku luching ti nandaka jam abis belajar di sekula pan bemunyi.

Bala nembiak di dalam kelas nya bela angkat magang deka pansut pulai.Chumang pulai seretai enggau kaban iya Jessica.

"Mang,uji nuan malik ke belakang kin.Ka amai
nembiak nya nangkan tua belama tiap kali pulai."
ku Jessica nelai Chumang.

Chumang enggai malik ke belakang ,enda malik pan iya sigi udah nemu sapa orang ti nangkan iya di belakang dia.

Seninjik endar kerita apai Chumang sangkai enda jauh ari pagar sekula.Datai ba kerita apai iya,
Chumang nukangka pintu kerita lalu beguai tama ke dalam.

Maya Ethan mansa,iya nyeling Chumang ke dalam kerita.Chumang ti nemu diri dijeling Ethan,lalu terus melintuka Ethan.

Ethan enda ngambi ati,udah teleba iya dih.
Ethan terus ngemajuka pejalai kaki iya pulai ke rumah.

??

Pagi hari siti...

Bala nembiak pom 4 ti udah bebagi kumpulan bela betugung di dewan sekula.Atur pengawa sida di dewan pagi nya bejalai enggau chukup mujur.

Bala nembiak nadai enda regas besautka tanya kuiz.Semina Ethan siku aja ti lembau.Tang Asun nyadi orang ti paling mayuh nyaut tanya kuiz enggau betul.Nadai kala salah disaut Asun.

Nya ti ngujungka nembiak ke sama kumpulan enggau iya sereta bala pengajar ti bisi enggau dia bendar amat muji pengelandik Asun.

Pukul 10 pagi bala nembiak di dalam dewan diberi awak ngetu sepengelama 15 minit.Bisi nya pansut ke luar,bisi ga ngelawa kantin.Tang bala nembiak ti agi bisi di dalam enggau di luar dewan lebuh sida ti mansa Asun lalu enda ngetu mih sida muji Asun.
Asun tuchum aja ninga jaku puji orang.

"Mayuh amat peminat nuan sehari tu Asun."ku
Ethan bejaku nundi.

"Ukai selalu mayuh peminat,sekali sekala aja ulih
laku baka tu." Ku saut Asun .Seduai iya Ethan pan
lalu seretai ketawa engkakah sambil bejalai nuju
ke kantin.

Pulai ari kantin Ethan dedegi ba luar dewan.Asun nyengau ke dalam dewan enda lama..

"Aram tama ke dalam tua." Ku Asun.

"Empai start orang,tumu amai ga baik nuan
tama.Lembau endar aku tu."Ku Ethan nyaut lalu
terus muchau mih nya.

"Eh! Nyamai gi duduk di dalam din,ari tua ke dedegi
di luar ditu." Asun terus tama ke dalam dewan.

Ka pan enda nyau ga Ethan nitihka Asun tama.
Seduai iya Asun terus nudukka diri ba bangku kumpulan.Ethan engkining tiap iku orang ti udah tama ke dewan.

Maya mata Ethan tepedaka Chumang iya lalu ngenung.Chumang pan benung merening nuju ngagai iya kia.Enda beilap-ilap mata Chumang.Ati Ethan nyu keketap kesal,bechampur asai malu mega.Enda kala Chumang merening iya ngelama nya.Belubah-lubah mulut Ethan ka ngukir tuchum ngagai Chumang..

"Sapa indu nya Tan? Ari tadi iya malik kitu
pedaku.Nuan ngelala iya?" Ku Asun nanya.Seretai
mulut iya ke bejaku Asun lalu nyeging tandan
bahu Ethan.

Tekenyit Ethan diseging Asun,lalu enda nyadi iya ka senyum ngagai Chumang.

"Enda aku ngelala." Ku saut Ethan,iya lalu ngilikka
pala.

Udah ti nyaut Asun,Ethan nyeling ngagai Asun peda iya Asun nyu tuchum merening Chumang.

Chumang din pan malas senyum ari Asun.Lubang pemula ba kuyu Chumang nyu berupai ayan maya iya ti senyum ke Asun.

Dup! Dap! Dup! Dap!
Nyu laju kebak tungkul atau Ethan pengudah meda Chumang senyum tadi.

Tang seretai nya mega ati Ethan berasai malu.Iya nemu Chumang ukai merening iya ari pun tadi.
Tang mih merening Asun! Ethan beguai ngelarika perening mata iya malik ke bukai ngaga diri enda meda Chumang seduai Asun bebalas senyum.

Enda memukai di dalam ati Ethan nyu nemu ka chemburu ngapa.

Atur pengawa kuiz tembu maya jam nyu manggai pukul 12 tengah hari.Sebedau semua bala nembiak dikemendarka pansut ari dewan,Lahung ti megai tanggung pengawa nyadi ketua pengawas sekula nya lalu niki ke pentas.Di atas pentas iya lalu megai mikrofon deka ngaga pengumuman.

"Hujung minggu ini sekolah kita ada mengadakan
Youth Camp di Lambir National Park.Senarai
nama pelajar yang terpilih mengikuti program ini
dilekatkan di papan notis di luar dewan ini.Bagi
pelajar yang terpilih kamu orang kena datang
seawal jam pukul 7 pagi dan terus bekumpul di
padang sekolah.Bas akan tunggu di sana."

Pengudah ninga pengumuan ari Lahung ,Ethan lalu mupuk irau.Iya ngarapka nama diri enda enggau program nya.Laban Ethan sigi nadai pengerindu ke pengawa bansa nya.Pansut ari dewan,Asun lalu enggau orang meresa rintai nama.Iya terus tuchum meda nama seduai iya Ethan bela bisi dipilih enggau program nya.

"Bisi nama tua enggau." Ku Asun madahka Ethan.

Ethan lalu mantaika gamal lembau.Iya ngarapka Asun salah peda.Udah nya iya empu ga mansang ngagai papan notis.Ba rintai nama nya dia iya nyu tepedaka nama Chumang,udah nya meda iya empu.

Di dalam ati Ethan terus bebungai gaga.Engka tu mih peluang aku deka ngelala Chumang semak agi.Ku anak ati iya betelai.Mulut Ethan lalu ngukir tuchum.

Chumang ti bisi enggau meresa nama iya ba papan notis nya mega tuchum meda nama Asun bisi dipilih enggau kem.

Maya tu mih peluang aku deka bekelala enggau Asun! Enggai aku muai peluang tu! Ku Chumang bedanji ke dalam ati iya.

"Nama utau ti ngasuh nuan senyum nya mang?"
Ku Jessica nanya.Iya alit ati meda Chumang
tuchum kediri dia.

"Peda nuan ba notis tu nama Asun bisi enggau
kitai kem."

"Ohh...Asun nembiak ti enda kala salah saut ba
kuiz tadi nya?"

"Au..arr,iya nya mih.Nadai utai ti enda ditemu,nyau
ulih saut iya magang.Nadai peluang kitai ke bukai
tu ka nyaut tadi."Chumang temegah ati muji Asun.

"Bisi endar juluk ati nuan tu mang." Jessica nyu
ulih macha ati Chumang.Iya lalu enggau
Chumang tuchum nunga papan notis nya dia.

"Kati dih Jess,jarai aku tetemuka lelaki landik baka
Asun nya,tang aku alit ati nama iya enda dipilih
tama kelas sains baka kitai?"

"Entah mih mang,enti nuan ka nemu enggau silik
agi,tanya nuan ga iya empu ila." Ku saut Jessica.
Tengah hari nya Chumang pulai ke rumah enggau ati senang lantang.Berasai gaga iya ngenang diri deka ngambi peluang bekelala enggau Asun maya sida kem ila. Chumang ngalika diri ba tilam,di dalam runding iya ari tadi nadai ngetu ngenang Asun.Jari iya nyintal ujung buk,mulut iya enggai ngetu senyum kediri.

Majak gaga ati iya ngenang diri udah tetemuka lelaki ti ngembuan 'package' dikerinduka iya...