Di Opis Posim Petroleum.

Baka selama Helen ngemas bilik opis Ethan, bungai rose bechura urin ti kemari diganti iya enggau ke baru sehari tu.Tetiap pagi Helen meli bungai fresh ke Ethan.

Sebedau pansut diperatika iya ba tiap sukut bilik nya meseti udah chukup  kemas enggau beresi.
Benung Helen meratika utai di dalam bilik, datai ga Ethan nukangka pintu.

"Selamat pagi,"ku Ethan
"Selamat pagi bos,"ku Helen nyaut.

"Helen, ka nuan enggau aku ngabas kaban aku ba
sepital legi?"
"Kaban nuan?"

"Kaban aku  Asun ke minjau kerita aku lebuh nya,
nyu accident tama sepital iya diatu."
"Asun  laki Chumang nya ti minjau kerita nuan
lebuh  nya pia?"

"Au arr.."
"Naii...nama aku enda ngelala iya lebuh nya? Kasih
amai nih,"ku Helen.

Tengah hari maya jam ngetu gawa Ethan seduai Helen lalu ngabas Asun ke sepital.

Maya ka pansut ari opis talipun Ethan bemunyi nandaka bisi orang betalipun ngagai iya.Talipun dibantaika iya, tekala nya mulut Ethan lalu ngukir tuchum..

Lahung?? Selamat pagi bos!
Ethan.  ?? Ngebos² ka utai.
Lahung?? Kati dih nuan ga amat udah nyadi bos
                   diatu.
Ethan   ?? Ha..ha..ha ( ketawa gaga )
Lahung?? Nama ha ha ha aja?
Ethan   ?? He..he..Nama pengawa nuan? Aku tu ka
                   ke sepital dulu ngabas Asun.
Lahung?? Ya nama pemedis Asun?
Ethan   ?? Accident iya minggu nyin kemari lalu
                   empai pansut ari sepital.
Lahung?? Ouhh..au..alai mih.
Ethan   ??Sayauka nuan aja.
Lahung?? Sayau ka nuan aja mega...ikak ek hipun.

Randau seduai iya ngetu naka nya aja.Ethan bebengap enda nemu reti utai ku Lahung ba pengujung jaku.Tang iya tetap ngukir senyum.

Pengudah seduai iya beserara ba airport Bintulu kemari nyu lelengau baru ga asai ati iya ke Lahung.Lahung lalu lanjur pulai ke menua Belaga kemari.

Ninga randau jaku besayau-sayau Helen lalu nemu Ethan berandau enggau sulu iya dia.Helen terus diau enda bemunyi.Ethan agi tuchum lelinsum kediri.

Tama ke dalam kerita seduai iya lalu mupuk ke sepital.

Di Hospital Bintulu.

Chumang duduk di tisi katil Asun, pala Asun abis bebalut enggau kain.Mua aja ti ayan,nya pan abis gamal mua laban bekau jait.Kaki nyu begantung di balut ngena "POP bandage".(Bandage ti dikena malut orang patah tulang)

"Eeehhh....Helen?"kenu ku Chumang tekenyit meda
penatai Helen.
"Nehh...Mang kasih endar nuan.Baru  nemu Asun 
tama sepital  diatu aku tu,"ku Helen.

"Nadai ngawa nya Len..."Pengudah bejaku
Chumang lalu merening Ethan.

Kati seduai iya Helen tau datai seretai kitu? Ku Chumang betanya di dalam ati.Tang enggai ga iya  kiruh ka nanya Helen.Jauh agi ti deka betanya ba Ethan.Endang sigi enda berani.

"Kati baka nuan Asun agi pedis isi?"ku Ethan
betanya.

Asun  empai dapat bejaku bai ti pedis rang. Nambah ga ba rekung bisi diengkah "Cervical Collar".Iya mina ulih meri Ethan isyarat ngena jari madahka diri udah berinsur manah.

Bisi 20 minit pia pengelama ngabas Asun, Ethan enggau Helen pan mupuk pulai ke opis baru.

Di dalam kerita maya pejalai pulai..??

Lagu 'Destiny' dipasang Helen dikena merindang seduai iya sepemanjai pejalai pulai ke opis.

Benung ti rindang mendingka lagu nya talipun Ethan bemunyi nandaka bisi SMS datai.Ethan lalu meresa talipun iya ka macha SMS ti baru datai.

Sulan??Tan kami duai indai nurun ke Bintulu diatu.
Ethan?? Au

Pengudah macha SMS ari Sulan lalu  nadai mood agi Ethan dia.

Helen ti benung deriba ba sepiak semina ulih nyeling belalai meratika ulah Ethan.Iya sedarka mua Ethan bebali sepengudah macha SMS ba talipun tadi.

Enda lama udah nya bemunyi baru ga talipun Ethan nandaka bisi SMS datai baru.Sekali tu SMS ari Lahung.

Lahung ?? Bos...bisi ke Bintulu aku lemai legi.
                     Lelengau amai ati tu ke nuan.
Ethan    ?? Anang ngangauka aku bos, pichit ngau
                    kuyu nuan legi.
Lahung ?? ha ha ha( ketawa gaga ati) Pukul 6:00
                    lemai aku datai legi.Terus dinner  tua.
                    Tang bos  belanja.
Ethan    ?? Au...sayauka nuan.
Lahung ?? Sayauka nuan mega...ikak ek hipun.

Panjai baru senyum ba mulut Ethan pengudahka macha SMS ari Lahung.Helen ti ba sepiak nyeling baru ga.Meda gamal Ethan sekejap baka ti nadai mood, sekejap gaga ngasuh iya alit ati belama.

"Helen, nuan nemu dini endur nyua kerita ba
Bintulu ditu?"
"Nuan ka nyua kerita?"
"Au, nadai utai kena aku diatu tusah amai ka
bejalai.Ka nyua kerita dulu sementara ngantika
meli baru."

Helen diau enda bemunyi dulu, berundingka dini endur nyua kerita.Tang ati iya ti semampai ka nulung Ethan enda ulih diiarka iya jauh.

"Ermm...kerita aku mih kena nuan dulu,"ku Helen.
"Nama kena nuan empu dih?"

"Aku ngena kerita daddy aku, enda pia nadai ga
orang ngena nya din.Daddy aku suah diau di
rumah aja, jarang bejalai,"kenu ku Helen.

"Au mih...terima kasih Helen, ila aku melanja nuan
makai,"ku Ethan nundi Helen.

Helen senyum aja, di dalam ati iya berasai gaga laban ulih nulung Ethan.Ulih ngelempungka penusah ti nuntung Ethan ngasuh ati iya berasai puas mega.Taja pia iya enda ngarapka Ethan malas budi iya.

"Lemai legi nuan nganjung aku pulai dulu, udah
nya kerita aku lalu kena nuan mih,"ku Helen.

Naka pengaga mih ati Ethan dia.Enda ibuh kiruh ka  ngiga kerita sua.Nambah ga iya ka betemu enggau Lahung lemai legi.Tang lebuh ingatka Sulan ti deka datai ke rumah enggau indai iya...nyu tusut baru ga runding  Ethan.