"Oo...oohh Sulan nganjung ke aku laluh penyaram
tadi,"berumban Ethan bejaku nangika indai
iya salah sangka.

"Mupuk dulu aku ibo,"kenu ku Sulan ga.

Indai Ethan nagunka pala lalu senyum ngagai Sulan.Pengudah Sulan pulai Indai Ethan lalu merening Ethan.

"Jang nama seduai Sulan benung besulu?"

"Nadai kami duai besulu dih,tinduk diatu indai.
Udah laun endar jam,"kenu ku Ethan nguji
ngelimpangka randau.Nangika indai iya majak
betanya pasal Sulan.

"Tan,aku enda nagang enti seduai amai besulu,
mentas amat Sulan nya enggau aku.Engka tusah
nuan ka tetemuka indu baka Sulan nya kemaya ari
tu."

"Nemu aku dih.Ila mih aku ngmbi iya ke menantu
nuan."

"Amat besulu mih seduai dih?"

"Au..amat."

"Pia mih Jang,ibun manah Sulan nya."

"Ermm..udah empa nuan ubat tinggi darah tadi?"

"Au..au ka makai ubat meh aku tu,"lalu nyau indai
Ethan bejalai ngelawa dapur.

"Nama nuan laun amai makai ubat?"

"Ehh! Tinduk nuan Jang udah laun jam,"ku Indai
Ethan ga ngelimpang ka randau.

Tama Ethan ke bilik peninduk iya lalu nyambung pengawa ngaga assignment.

??

Setengah taun pengudah nya..

Nyau ka begawai ga orang maya Ethan pemisi sekali tu.Tang Ethan baka selama mih gawa part time dulu di Kuching.Ati endang sigi enda sabar ka pulai ke menua laban ngasaika kelalu lama endar seduai iya Sulan udah enda betemu.Tang laban ngira diri ti semampai suntuk belanja nya ti nyadi penangur ba ati iya,enggai enda pan meseti gawa part time dulu mih maya pemisi tu.Taja gaji enda besai iga amat mih bisi nambahka anak belanja mimit.

Sulan diatu nyu udah nampung pelajar ba KSKB Kuching bepun ari bulan siti nyin tadi.Suah udah Ethan mai Sulan betemu tang Sulan madahka sida di kolej nya enda tau pansut peneka ati.Bela ngetatka pengelengau ati ngagai pangan diri mih seduai iya.

Genap tiga minggu udah gawa part time,maya pulai malam pengudah gawa Ethan lalu besegaut besimpanka gari ti ka dibai pulai ke menua pagila.Laluh pemisi seminggu nya mih dikenyadika kena pulai.Indai iya mesti di abas,
baka nya mega sulu ati iya Sulan.Lelengau amat asai! Kepenudi betemu maya pulai ujung taun nyin suba aja.

Tang Hari Gawai udah ngelebus maya endur Ethan mulaika diri.Benung iya kiruh besimpanka gari dia dih talipun iya didinga bemunyi.Talipun lalu dijingkau, nama Sulan ti ayan ba skrin.Beguai Ethan nekan tanda gadung..

Sulan?? Nyadi nuan pulai pagila?

Ethan?? Nyadi arr..benung besimpanka gari aku

ditu.

Sulan??Tan,aku dibai indai pulai ke menua iya

pagila.

Ethan??Ouhh..nama pejalai deh?

Sulan?? Ngabas ini aku benung sakit raya.Nuan

enggai enda laun amai ga pulai eiihh!

Ethan??Hermm..ngiga anak belanja mih aku baka

selama, nya mih kebuah aku laun pulai.

Sulan?? Au..au..ila ga tua betemu!

Tuuttttttt....!! Talipun dipadamka Sulan enda bepadah.Nyu bebengap tudah Ethan,enda kala Sulan mutuska randau seduai iya ngenyit baka nya.Ati iya pan nyu enda nyamai asai laban nemu Sulan sigi benung ringat din.Skrin talipun ditela lama,keypad lalu dienyak...

Ethan ?? I miss you.( SMS 1)

Ethan ?? Sorry…(SMS 2)

Sulan ?? Ok

Ethan ?? I Love you (SMS 3)

Ethan ??Ni nuan? (SMS 4 )

Ethan ?? Sulan?? ( SMS 5 )

Sulan ?? Nite!

Ethan ?? Gd nite love ?? (SMS 6 )

Ethan manggaika talipun iya di atas mija belajar lalu dicaj.Tembu besimpanka gari,Ethan mupuk ngintu diri .Pengudah mandi iya muka laptop deka ngaga assignment.Assignment ukai nya nemu abis sigi semampai bisi.

Baru 5 minit nunga laptop, mata Ethan nyu mupuk ka ngantuk.Dia iya lalu mutarka lagu ba laptop kena merindang ati diri..

I was wondering what love was all about..
I was trying but couldn't work it out...
But then you came along to my surprise..
And made my frozen mind come alive...
You took me right out of the blue....
Simply by showing that you love me too...
Only by giving me your everything...
With a love so true...
You took me out of the blue...

Mendingka lagu ari band MLTR nya nyu ngasuh Ethan tuchum kediri.Gamal Sulan nyu bemain ba mua mata.Dia iya lalu nanam pengingin ati enti udah tembu ngambi degree pengudah bulih pengawa ila iya sigi bedanji enggau diri empu meseti ngambi Sulan ke bini.

??

Dua bulan pengudah nya…..

Ethan nyu makin mayuh pengawa,assigment semampai mayuh tambah mega nya taun kepenudi diploma iya.Timpuh belajar nyau makin ka datai ke pengujung.Malam nya mega iya laun nindukka diri.

"Tan,nama utai gaga nuan?" ku Agus betanya.Agus
kaling ti sebilik enggau Ethan ba dorm

"Eh..ka beguai nembuka assingment aku tu."

"Tan,pagila ka nuan bai aku bejalai meda orang
regata ba waterfront di Kuching?"

"Pemai nuan,tang ngerak aku pagila enti aku
laun dani."

"Endai..! Tinduk diatu nih Tan,galau aja
assignment nya.Agi mayuh masa ngaga,"pia ku
jaku Agus.

Tang Ethan enda kiruhka Agus.Pagi hari siti amat laun mih iya dani,nyu ulih Agus ngerak.Datai seduai iya di waterfront Kuching Ethan lalu nyintak seput dedalam.

"Apuu...mayuh amat orang," kenu ku Ethan nyu
lembau iya ka bejalai meda orang ngemayuh nya
dia.

"Sigi baka,aram meda utai dijual orang ba booth
din," kenu ku Agus.

Seduai iya Agus mupuk bejalai sambil besekut enggau orang bala mayuh.Maya ti besekut-sekut bejalai dia dih tandan bahu Ethan diseging orang ngemalat nya.Iya pan lalu ngetu nyingkang tekala nya deka nemu sapa ti nyeging iya tadi.

"Sorry-sorry.."ku siku lelaki minta ampun.

Ethan enda bemunyi tang mata iya enggai badu-badu merening indu ti di sepiak lelaki nya.Indu enggau lelaki nya benung bepegai jari.

"Sulan...??"

Jari indu enggau lelaki nya lalu tebeleka pegai..