Runding ti tusut mikirka penatai Sulan ke rumah legi ditejuka pia aja.Tuchum Lahung majak ayan di depan mata Ethan.Nyu majak iya sesenyum di dalam kerita.Baka ti nadai Helen enggau iya dia.

Helen ti suah nyeling belalai nyu nemu Ethan benung mabuk pengerindu.Sapa-sapa ti meda ulah Ethan suah tetuchum kediri pan sigi meragam iya benung angau nya dia.Orang ti buta aja mih enda nemu.

"Kasih endar ga tudah Asun ,"kenu ku Helen
ngepunka randau di dalam kerita.Enda nyamai ga
asai ti enda berandau.

"Ehmm...lakka iya ensepi.Eh...seredah aku, nuan
sigi lama udah ngelala Asun seduai Chumang?"

"Lama diri ga udah.Nyau lebih 10 taun.Enti aku
enda ngelala seduai iya nyu enda ga aku datai
maya seduai iya rami lebuh nya,"ku Helen nyaut
sambil tuchum.

"Ohh.....10 taun.Lama endar kita udah bekelala."
Ethan berupai tekenyit ninga Helen nyebut 10
taun.Iya mega baru ingatka diri bisi betemu
enggau Helen maya ba pengerami Asun seduai
Chumang suba.

"Chumang sama menua enggau aku.Kenduai sigi
asal orang Bintulu ditu,"ku Helen.

"Ermmm...."

Ethan nyu tegenung.Taja iya empu kala naruh pengerindu ngagai Chumang suba tang iya enda
nemu Chumang nya asal orang Bintulu.Ngelala gamal Chumang aja mih iya.Lebih ari nya nadai utai temu sekali Ethan pasal Chumang.Ukai nya sempat dikelala iya endar ga Chumang nya Suba.
Tumbuh tak labuh pengerindu ngapa.

"Asun dih? Kati nuan tau ngelala Asun?"ku Ethan
betanya baru.
"Hermmm...Asun sama sekula enggau aku,"ku
Helen nyaut enggau ati semadi.Lembau asai iya
ka madahka seduai iya Asun sama sekula.

"Hah?? Sekula dini? Kita sama ba IPG suba?"ku
Ethan betanya baru.
"Ukai..."ku Helen nyaut.

"Sama sekula ba dini dih?"ku Ethan ga nanya baru.
"Sama sekula pom,"ku saut Helen.

Terus senyum Helen pengudah madahka diri sama sekula pom enggau Asun.Taja pia di dalam ati iya nyu mupuk keketap kesal pasal utai ti
dikerandauka seduai iya diatu.

Ingatka lebuh pengerami Asun seduai Chumang bendar iya ka ngerandau Ethan maya nya.Tang Ethan enggai berandau enggau iya.Nya sehari tu nemu ga Ethan mayuh utai ka ditanya ku dalam ati Helen betelai.

Ethan nyu enda bemunyi agi.Iya nyu mikirka sapa Helen nya sebenar.Enti sama sekula pom enggau Asun...reti ya sama sekula enggau iya empu mih laban seduai iya Asun ga sama sekula pom ari pom 1 datai ke pom 5.

Tang nama aku enda ngelala Helen dih? Ku Ethan betanya di dalam ati.Ethan lanjur enda bejaku.
Helen ti duduk ba tisi iya nyeling belalai baru.Mua Helen aja dipeda baka ti nadai apa nama.Tang di dalam ati iya empu aja mih nemu baka ni asai pengesal ati tiap kali begulai damping enggau Ethan.

??

Maya pulai gawa lemai nya Ethan lalu nganjung Helen pulai ke rumah dulu.

Di dalam kerita..

Talipun Ethan bemunyi nandaka bisi orang betalipun.Iya terus beguai mantaika talipun ari kuchik tanchut.Ati iya lalu bebungai gaga maya meda nama Lahung ayan ba skrin talipun.

Lahung?? Dah ba Bintulu aku diatu bos.Nuan dah

pulai gawa?
Ethan ?? Benung pulai mih tu.Nganti enda lama

dulu nuan, aku nganjung kaban aku

pulai ke rumah iya dulu.
Lahung?? Kaban nuan ni? Indu tauka lelaki?
Ethan ?? Indu, secretary aku.
Lahung?? Ouhhhh…nama iya enda nemu pulai

kediri pia?
Ethan ?? Aku ga ngena kerita iya diatu, kerita

aku dah kena Asun accident lebuh nya.
Lahung?? Isshhh…anang ngena kerita iya nya.Aku

ngambi nuan diatu.
Ethan ?? Eh…enda ibuh.
Lahung?? Lapa ga enda ibuh? Enda malu nuan

minjau kerita orang? Secretary indu

nuan agi nya.Aku ngena kerita mih

nurun kitu tadi, legi aku ngambi

nuan.Dini endur nuan diatu?
Ethan ?? Enda ibuh ngambi aku.Nuan nganti aku

ba dini? Legi aku ngusung nuan kia.
Lahung?? Ba hotel SEAVIEW ditu!

Talipun terus dipadamka Lahung ngenyit.Berupai Lahung enda puas ati.Ethan lalu bedemuh pengudah berandau enggau Lahung.Nyu angat pending iya ninga sura nyawa Lahung nengir-
nengir bejaku.Agi mangah baka maya ba sekula kelia mih Lahung ku dalam runding Ethan.

Helen ti duduk ba sepiak enda bemunyi.Ari randau Ethan ti didinga iya tadi iya ulih nemu Ethan berandau sapa.Nadai bukai, sigi sulu ati mih nya.Ku Helen meragam.

Datai ba rumah Helen..??

"Ka betemu enggau sulu nuan legi? "ku Helen
nundi Ethan sebedau ti ka pansut ari kerita.
"Eeerrrmm.."ku Ethan lalu tuchum enggau jaku
tundi Helen.

"Bah...take care,"Helen pansut ari kereta lalu
ngepaika jari ngagai Ethan.

Ethan nyau ga mupuk pulai ke rumah iya ba ParkCity Residence.

Datai di rumah lalu betemu mua enggau Sulan.
Sulan enggau Indai Ethan endang sigi udah lama dulu datai ba rumah.

"Laun amai nuan pulai Jang,"ku Indai Ethan
betanya.
"Nganjung kaban aku pulai dulu tadi,"ku Ethan
nyaut.Ethan enda duduk ngerandau indai iya.Tang
iya nyau berumban ka mandi.

"Kaban nuan ni nya Jang?"ku indai iya nanya baru.
"Secretary aku.Laban aku nginjau kerita iya dulu.
Kerita aku dah anchur bai Asun accident,"ku Ethan
nyaut.

Nyu baka utai ditanya Lahung ga utai ditanya indai ku Ethan muchau di dalam ati.Sulan ti bisi dia dipansa iya pia aja tadi.Baka ti nadai Sulan mih ba dalam rumah nya diatu.

Tembu Ethan mandi iya pan lalu beradu ka nurun betemu enggau Lahung.

"Ka kini nuan Jang? Makai dulu aram,"kenu ku
indai iya.

Ethan enda berani madah enggai.Laban nemu indai iya udah kiruh bebela tadi ya ga pemakai udah dinah ba atas mija magang.Ketegal ti kasihka indai iya ti baru datai ari menua udah nya nyu kiruh bepandukka utai dempa ba rumah.Lauk ti bisi ba mija pan lauk ti dikerinduka Ethan magang.Enda ulih ditulak iya peminta indai iya ngemai makai.

Pia makai pia majak ga iya ngerundingka Lahung.Nyu berumban Ethan makai nangika Lahung lama nganti iya.

"Jang mai aku ke pasar malam legi,"kenu ku indai
Ethan bejaku maya iya dah tembu makai.

"Au mih...jampat agi beradu,"kenu ku Ethan
merintah, ya ga ati iya dah sesengit enda sabar ka
betemu enggau Lahung dia.Semadi kasihka indai
iya ka bejalai.Delay enda lama dulu mih ka
nurun dating.Nasit ga seduai iya Lahung nadai
bedanji jam.

Tembu beradu lalu pansut mih sida tiga mupuk ke pasar malam.Sulan endang sigi enggau kin kia nitihka indai Ethan.Nyau ka pukul 10:00 malam baru sida pulai ke rumah.

Ethan enda enggau niki ke rumah iya semina nyangkaika Sulan enggau indai iya ba basement aja.

Udah seduai nya pansut ari kerita lalu nyau mih Ethan berumban deriba ngelawa Lahung.

Datai ba depan Seaview Hotel Ethan lalu betalipun ngagai Lahung..

Ethan ?? Udah nganti ba depan hotel ditu aku.
Lahung?? Niki ke atas.Ba bilik 108 ditu aku.
Ethan ?? Lapa nuan enda nurun dih?
Lahung?? Niki aja mih.Udah laun jam, kini ka

bejalai jam maya tu?!!
Ethan ?? Aku nganti nuan ba cafe Hotel ga.
Lahung?? Kitu gai bilik aku.Enggai aku pansut

agi.Gaji nuan laun...nama hal nuan

laun? Pukul berapa nuan pulai gawa

tadi.Madah benung pulai lemai tadi,

diatu udah pukul berapa jam??
Ethan ?? Au...au aku niki.

Randau ba talipun terus diputuska Ethan.Enggaika nyu belaya bai Lahung.Nyau ga Ethan niki ke atas.Datai ba bilik hotel 108, pintu lalu ditatuk iya.Telenga pintu lalu ayan Lahung ba mua pintu.

Enda engkesap mata Ethan meda Lahung.Baju tinduk nipis bechura burak nyu ngayanka raras tubuh enggau buah kubal di dada.Bebaju baka ti enda mih.Ya ga baju nya sebutika datai ba pah.Nambah ga Lahung bekulit burak baka kapas,ya ga kulit lichin lis.Nyu begetar ati lelaki Ethan meda pemanah utai di depan mata iya.

Lahung narit lengan Ethan deka ngemai tama.Dah tama ke bilik, tubuh Ethan lalu ditulak iya ke tilam.
Ethan teduduk ba tilam.Beguai iya ngetanka tubuh diri betungkat ngena jari nangika rebah tegali ke tilam.Ati iya pan nyu keketap kesal meda ulah Lahung tak berupai nyelaie.

"Ethan...lama amai aku udah nganti hari baka ke
malam tu.Semina tua aja begulai nadai orang
ngachau,"ku Lahung.

"Hah?"ku Ethan tekenyit ninga jaku Lahung.

Lahung mansang damping Ethan.Iya ka nudukka diri empikah ba Ethan.Meda ulah Lahung majak nyelaie baka nya Ethan pan lalu angkat ngenyit ari tilam.

"Nama utai ka gaga nuan?"ku Ethan betanya
sambil ngeredutka kening.

"Nuan enda nemu tauka ngaga diri enda nemu?"ku
Lahung.Iya lalu bejalai ngelawa Ethan.

Ethan nyurutka diri ke belakang maya meda Lahung nyu makin damping.

"Lahung, aku amat keranka nuan.Aku mega
bebasaka nuan, laban nuan siku indu ti chukup
dikesayauka aku,"kenu ku Ethan.

"Ethan!! Nama reti jaku nuan ngempiaka aku? ka
ngemalu aku?? Ari pukul 6:00 tadi aku nganti
nuan.Nemu nuan!!?? Diatu dah pukul berapa
jam?? Ya mih datai nyu baka tu ga nuan
ngelayan aku!!!" Besai sura nyawa Lahung bejaku
nganu Ethan.

Tembu bejaku beguai Lahung ngambi kain tula ti ba tisi dinding lalu dibalut iya ngagai tubuh.Malu endar asai ninga jaku Ethan tadi.

"Pulai aja nuan.Pagila lusa enti bisi hari tua
betemu baru ga," ku Lahung.

"Ukai lusa nuan pulai gai KL baru?"ku Ethan
betanya.Iya kebendar agi belala betemu enggau
Lahung.Tang ulah Lahung nya tadi bangat
enda ulih diterima akal iya.

"Lusa mih.Lusa sekali ga betemu,"ku Lahung bejaku
sambil melakangka Ethan.

Ninga Lahung udah ngaga pemutus ,Ethan pan lalu pansut ari bilik.Lahung ti ditinggalka ba dalam bilik nya makin berasai chukup malu, geram enggau pedis ati nyu bercampur aja asai.