Ujan Memesi Ngelabuh Kediri Ari Langit Mingkai Ti Becura Biru ..
Labuh Ningang Ngemasah Ke Jalai Ti Puang ..
Ari Pun Ia Semina Memesi Labuh Lama Ke Lama Ia Nyau Rindang Bangat Sebangat Masah Ke Jalai Ti Puang
Jarang Di Peda Entukar Tauka Moto Sikal Ti Mansak Engka Bala Mensia Nangi Ka Bejalai Ketegal Jalai Ti Licin Di Tata Ujan Ngederas Nya
Ujan Serumba Enggau Ribut Angin Celap Muput Mansak Moa Nya Ti Ngasuh Aku Anyut Mulai Ke Pengingat Aku Gau Ia Ti Lama Udah Ditanam Ba Kandang Pengingat Sepengelama Lima Taun Ke Udah Lalu ..
Aku Rindang , Rindang Meda Moa Anak Urang Ti Sigat Nya Enda Jauh Takah Duduk Ari Aku ..
Rindang Amat Ia Deh .. Rindang Ketawa Berandau Enggau Bala Bakih Ia ..
Ama Bejaku Ama Ketawa Gak Ia ..
"Aishh Deh Apai Manis Udu Moa Ti Benung Ketawa Nya " Nyau Ngasuh Aku Rindang Bayam Pemanah Penempa Petara Ti Di Beri Ngagai Ia ...
Serumba Enggau Cura Kulit Ia Ti Celum Manis Nya Ia Enda Celum Endar Mega Munyi Ko Melayu "Si Hitam Manis " Haha Manis Amat ..
Pemuas Ke Nyau Belalai Nyeling Ia Enda Nemu Nama Kebuah Keni Tau Nyadi Baka Nya ..
Engka Ia Berasai Bisi Urang Suah Nyeling Merati Ke Ia .. Ia Ngenyit Malik Ngagai Aku ..
Perening Mata Tua Ia Besatup
Asai Ke Di Tangkap Kilat Tubuh Aku Lebuh Besatup Perening Enggau Ia ..
Keketap Asai Dada Lebuh Ia Tucum Maia Mata Tua Ia Belaban Perening ..
"Aahh Nama Asai Tu " Ati Aku Betelai ..
Enda Nganti Lama Anak Urang Ke Di Ining Aku Belalai Nya Mansang Bejalai Semak Ngelawa Aku
Dalam Ati Udah Berasai Malu Laban Udah Di Temu Ia Nyeling Belalai Ngagai Ia Ngelamanya..
Diatu Ia Duduk Berimbai Enggau Aku
Lengan Tua Ia Besendi
Sebedau Ia Bejaku Ia Dulu Mantai Ke Tucum Manis Ia Nya ..
"Aahh Deh Apai Manis Amat Tucum Ia Deh " Aku Mega Malas Tucum Ia ..
Laban Asai Malu Agi Berserangat Ba Dada Mulut Aku Asai Ke Bekerambit Nadai Ulih Bejaku Seleka Nyapa Ia ..
"Hai Endu Cyy " Ia Nyapa Aku ? .. Bujang Ke Tampak Rita Enggau Pengimun Ia Nya Nyapa Aku ?..
Asai Enda Pecaya .. Laban Ngelamatu Taja Tua Ia Diri Serumah Tua Ia Enda Kala Besapa Ke Pangan Diri ..
Di Bai Ati Tekenyit Aku Nyaut Jaku Sapa Ari Ia Mega ..
"Hai " Aku Enda Nemu Nya Saut Ti Engkeman Tauka Ukai ..
"Aahh Aku Malu " Hehe
" Nama Nuan Duduk Kediri Ditu Endu Ni Bala Bakih Jegit Nuan Deh " Ko Ia Nanya ..
Ya .. Aku Bisi Bakih Dua Iku Ti Di Kangau Umang Enggau Ajik ..
Kami Tiga Sigi Bebakih Rat .. Diak Endur Aku Diak Meh Endur Seduai Ia ..
Tang Lemai Tu Seduai Nadai Enggau Aku Duduk Ditu ..
" Engka Seduai Ia Agi Bisi Pengawa Di Adu " Ko Aku ..
Pemuas Ke Duduk Besendi Nadai Utai Di Kerandau Ia Nanya Aku ..
"Endu Nuan Nadai Sulu " Aahh Nama Tanya Munyi Nya ? Nama Ka Mai Aku Besulu Pia .. Haha .. Balat Enda Melaba Kediri Empu Meh Aku Tu ..
Agi Tekenyit Enggau Jaku Tanya Ia Nya Aku Lama Enda Nyaut ..
" Nadai " Yaa .. Nadai Meh Sapa Ke Sulu Aku Arr..
" Enda Patut Nadai Sulu Kita Gak Dara Deh Endu " Ko Ia .. Aahh .Enda Arap Lalu Meh Ia ..
"Nadai Nadai " Ko Aku
"Sapa Meh Ka Besulu Gau Aku Tu Ukai Bangat Bajik Aku Tu" Aku Sedar Ke Pendiau Diri ..
"Bajik Deh Endu Nuan Bajik Ti Maia Nuan Ketawa Nuan Betambah Bajik Laban Ngeli Taring Nuan Nya .. Manis.. " Ko Ia ..
" Aku Ka Meda Nuan Tucum Enggau Ketawa Belama Laban Maia Nuan Tucum Enggau Ketawa Nuan Rindang Amat Nyentuk Ke Nuan Enda Nemu Aku Suah Bendar Merati Ke Nuan Ati Aku Mega Betelai Endu Bajik Sereta Jegit Amat Tang Ngasuh Ati Aku Celap Lindap" Ia Majak Bejaku
Aku Tekenyit Laban Ia Madah Ia Suah Bendar Merati Ke Aku Maia Ketawa Enggau Tucum Ko Ia ..
Nyadi Ngelamatu Ukai Aku Aja Ke Suah Nyeling Ia Belalai Ia Mega Sama ..
Nama Reti Ia Neyy ? ..
Aku Enda Nemu Nama Kebuah Ati Aku Gaga Ninga Ia Munyi Nya ..
Tang Diatu Jam Tu Ia Ngasuh Ati Aku Nyabak Merampau Ngenang Ia ..
Tucum Ia Semina Ngasuh Aku Makin Benci Meda Ia ..
*Bersambung*